26.04.2026 | 10:44
Լարսը բաց է բոլոր տեսակի տրանսպորտային միջոցների համար
Սահմանադրական փոփոխությունների նախագիծը ՍԴ չի ուղարկվի․ «Իմ քայլը» դեմ քվեարկեց. ՏԵՍԱՆՅՈՒԹ
Քաղաքականություն
22.06.2020 | 19:54
Սահմանադրական փոփոխությանը վերաբերող հարցով Սահմանադրական դատարան դիմելու նախագիծը Ազգային ժողովում չընդունվեց։ 89 պատգամավորներ դեմ քվեարկեցին նախագծին։ «Այս փոփոխությունը տարածվում է ՍԴ 7 անդամների վրա, այսինքն ՍԴ 7 անդամները այս դեպքոոմ արդեն սուբյեկտիվ կողմեր են և իրենք ուղղակի զրկված են օբյեկտիվ որոշում կայացնելու հնարավորությունից, և ես կոչ եմ անում դեմ քվեարկել»,- վարման կարգով ելույթում նշեց «Իմ քայլը» խմբակցության պատգամավոր Վահագն Հովակիմյանը։
Նշենք, որ ԱԺ-ն ընդունեց ՀՀ Սահմանադրության փոփոխությունների նախագիծը, որով փոփոխության է ենթարկվում Սահմանադրության անցումային դրույթների 213-րդ հոդվածը: Նախագիծը նախատեսում է դադարեցնել ՍԴ այն անդամների լիազորությունները, որոնք պաշտոնավարել են 12 տարուց ավելի և նրանց փոխարեն նշանակվեն ՍԴ նոր անդամներ: Այսպիսով՝ դադարեցվում է Սահմանադրական դատարանի նախագահ Հրայր Թովմասյանի լիազորությունները` թույլ տալով նրան պաշտոնավարել որպես ուղղակի ՍԴ դատավոր։ ՍԴ երեք անդամների` Ֆելիքս Թոխյանի, Հրանտ Նազարյանի և Ալվինա Գյուլումյանի լիազորությունները կդադարեցվեն: Նախագիծը չի ուղարկվի Սահմանադրական դատարան, ինչպես նաև չի ուղարկվի նախագահին՝ ստորագրման համար։
Այն կհրապարակի ԱԺ նախագահը։
