20.01.2026 | 17:27
Դուք, ձեր խմբակցությունը, ձեր բռնապետիկը․ Վահագն Ալեքսանյանը՝ Արմենուհի Կյուրեղյանին․ ՏԵՍԱՆՅՈՒԹ
Թուրքիայում COVID-19-ի օրական ցուցանիշը հունիսի սկզբից աճել է․ Deutsche Welle
Քաղաքականություն
21.06.2020 | 13:29
Կորոնավիրուսային պանդեմիայի սահմանափակումների թուլացումից հետո Թուրքիայում COVID-19-ի նոր դեպքերի աճ է գրանցվել։ Այս մասին հայտնում է Deutsche Welle-ն։ «Վերջին օրերի թվերը ցույց են տալիս, որ համաճարակի դեմ պայքարում կորցրել ենք մեր դիրքերը»,- ասել է երկրի նախագահ Ռեջեփ Թայիփ Էրդողանը՝ հեռուստատեսային ուղերձում:
Աղբյուրի փոխանցմամբ՝ հունիսի սկզբից Թուրքիայում COVID-19-ի օրական դեպքերի թիվը կրկնապատկվել է և այժմ մինչև 1․600-ի հասել:
Worldometers.info վիճակագրական կայքի տվյալներով՝ օրինակ հունիսի 1-ին Թուրքիայում COVID-19-ի 827 նոր դեպք է գրանցվել, մինչդեռ հունիսի 3-ից օրական ցուցանիշը սկսել է աճել՝ հունիսի 15-ին հասնելով 1․592-ի։
Հավելենք, որ վերջին տվյալներով՝ մինչ օրս Թուրքիայում նոր տեսակի կորոնավիրուսի 186․493 դեպք և 4․927 մահ է գրանցվել։ Ապաքինվածների թիվը 158․828 է։
Նելլի Մելքոնյան
