01.07.2026 | 12:53
Անկարայում Ֆիդանն ու ԵՄ պաշտոնյաները քննարկել են Հարավային Կովկասը․ կհամակարգեն խաղաղությանն ու բարգավաճմանը նպաստելու ջանքերը
Երևանի 10 վարչական շրջաններում «կարմիր գծերը» կհանվեն
Տնտեսություն
18.06.2020 | 21:21
ՀՀ ազգային ժողովն առաջին ընթերցմամբ ընդունեց «Իմ քայլը» խմբակցության պատգամավորների առաջարկած օրենքի նախագիծը, որով նախատեսվում է Երևանի 12 վարչական շրջաններից 10-ում վերացնել «կարմիր գծերը»:
Երևանում կարմիր գծերը կմնան Կենտրոնում և Արաբկիրի որոշ հատվածներում։ Լուսանկարով տուգանել այլևս չի թույլատրվի, առնվազն 15 րոպե տեսանյութը պարտադիր կլինի։ Տարեկան բաժանորդագրության ժամկետը կավարտվի վճարման պահից մեկ տարի անց (ավագանու որոշում), գողության կամ այլ հանցագործությունների դեպքում տեսանյութերը կտրամադրվեն։
Ըստ պատգամավոր Սիսակ Գաբրիելյանի՝ նախագծով լուծվում է Վճռաբեկ դատարանի 2019թ որոշման վարույթի հետ կապված խնդիրները։ Պատգամավորը նաև վստահեցրեց, որ վճարի փոփոխություն չի նախատեսվում։ Գաբրիելյանը նաև ընդգծեց, որ բոլոր այն տեղերում, որտեղ չկան կարմիր գծանշումներ, քաղաքացիները պարտավոր չեն որևէ անձի գումար վճարել։ Օրենքների նախագծերի փաթեթն ԱԺ նիստում ստացավ 96 կողմ, 2 դեմ և 1 ձեռնպահ ձայներ:
