17.05.2024 | 13:10
Եկավ ժողովրդին պառակտեց, գնաց. ինչ իրավիճակ է Կիրանցում մարզպետի հետ հանդիպումից հետո․ ՏԵՍԱՆՅՈՒԹ
Այն, ինչ նախատեսել էի իմ մտքում, կարողացանք իրականացնել. Շարմազանովն ամփոփեց ուսանողների հետ հանդիպման արդյունքները
Քաղաքականություն
22.11.2017 | 16:53
«Հանուն գիտության զարգացման» նախաձեռնության անդամների հետ պատգամավորների և Կառավարության ներկայացուցիչների քննարկումն արդյունավետ էր և ստացված: Խորհրդարանում կլոր սեղան-քննարկումից հետո լրագրողների հետ զրույցում հայտարարեց հանդիպման նախաձեռնող, ԱԺ փոխնախագահ Էդուարդ Շարմազանովը:
«Կարող եմ ասել, որ շատ լավատես եմ, նաև երջանիկ, այն ինչ նախատեսել էի ես իմ մտքում, նաև Դավիթենք, կարողացանք իրականացնել և ունեցանք առարկայական նորմալ քննարկում, առանց ավելորդ էմոցիաների»,- նշեց Շարմազանովը:
Ըստ իշխանության ներկայացուցչի՝ այս քննարկման արդյունքում հնարավոր եղավ մոտեցնել կողմերի տեսակետները: «Բազում էին օրինակները, երբ կարծիքներն ընդհանուր լուծման առումով համընկնում էին: Բոլորս էլ մեկ նպատակ ունենք՝ Հայաստանի հզորացում, կրթության, գիտության զարգացում, պաշտպանական խնդիրների ավելի արդիական լուծում»:
Էդուարդ Շարմազանովի փոխանցմամբ՝ երկու շաբաթվա ընթացքում ուսանողներն իրենց բոլոր առաջարկությունները փաստաթղթավորված, արձանագրված կներկայացնեն Կրթության և գիտության, ինչպես նաև Պաշտպանության նախարարություններ:
Մանրամասները՝ տեսանյութում:
