09.10.2026 | 11:13
ՈՒԵՖԱ-ի անդամ բոլոր երկրները միացել են ՖԻՖԱ-ում բարեփոխումների կոչին՝ բացառությամբ Ադրբեջանի
Դիմակների գները սրընթաց անկում են ապրում․ Թորոսյան. ՏԵՍԱՆՅՈՒԹ
15.06.2020 | 18:30
Վերջին օրերի մեր վերլուծությունները ցույց տվեցին, որ շատ ենք ունենում մոտ հասցեներում վարակի դեպքեր՝ հարևան շենքերում, նույն փողոցի բնակարաններում, եթե դրանք առանձնատներ են։ Պարետատան այսօրվա նիստից հետո տեղի ունեցած ճեպազրույցում այս մասին ասաց ՀՀ առողջապահության նախարար Արսեն Թորոսյանը։
«Եվ հանգում ենք այն եզրակացության, որ վարչապետի նշած երևույթը համատարած է։ Այսինքն՝ այո՛, մենք կարող ենք կենտրոնական փողոցներում, նույնիսկ մարզային քաղաքների կենտրոնական փողոցներում շատ հանդիպել դիմակով մարդկանց, սակայն նրանց շատ քիչ հանդիպել բակերում հարևանների հետ զրուցելիս։ Եվ վերլուծաբանները մեզ նույնիսկ առաջարկում են հենց թիրախավորված այդ ուղղությամբ աշխատել»,- ասաց նախարարը։
Ինչ վերաբերում է դիմակների գներին, Արսեն Թորոսյանն ասաց՝ լավ լուր կա․ դիմակների գները սրնթաց անկում են ապրում:
«Մեր ներկրողները կարծում են, որ մոտակա մեկ ամսում դրանք կլինեն գրեթե կհավասարվեն մինչճգնաժամային գներին: Այսինքն՝ կլինեն տասնյակ դրամների շրջանակում»,- նշեց նա:
Մանրամասները՝ տեսանյութում։
