16.05.2024 | 20:43
Հայաստանում սնկից այս տարի թունավորվել է 8 մարդ. ԱՆ-ն զգուշացնում է
Համատարած հայտարարագրման նախագիծը մարդկանց հարկային բեռը չի ավելացնելու․ Բաբկեն Թունյան. ՏԵՍԱՆՅՈՒԹ
Հասարակություն
08.06.2020 | 12:29
Եկամուտների համատարած հայտարարագրման մեխանիզմը մարդկանց հարկային բեռը չի ավելացնելու: Այս մասին այսօր ԱԺ տնտեսական ու ֆինանսավարկային և բյուջետային հարցերի մշտական հանձնաժողովների hամատեղ նիստում ՀՀ 2019 թ. պետական բյուջեի կատարման մասին տարեկան հաշվետվության քննարկման ժամանակ ասաց «Իմ քայլը» խմբակցության պատգամավոր Բաբկեն Թունյանը։
Հայտարարագրման նախագծի վերաբերյալ ՀՀ ֆինանսների նախարար Ատոմ Ջանջուղազյանին հարց ուղղեց «Լուսավոր Հայաստան խմբակցության պատգամավոր Արկադի Խաչատրյանը։
Պատգամավորը հետաքրքրվեց, թե ովքեր են ներկայացնելու եկամուտների հայտարարագրերը՝ ՀՀ բոլոր քաղաքացիները, թե» միայն ՀՀ-ում մշտապես բնակվողները։
Նախարարը նշեց, որ հայտարարագիր պետք է ներկայացնեն ՀՀ բոլոր քաղաքացիները, ՀՀ-ում բնակության իրավունք ունեցող օտարերկրյա քաղաքացիները, ՀՀ-ում մշտապես բնակվող, քաղաքացիություն չունեցող անձինք և փախստականի կարգավիճակ ունեցողները։
Մանրամասները՝ տեսանյութում։
