28.03.2026 | 15:00
ՀՀ դեսպանը մասնակցել է «Հայկական արվեստն ու աշխարհը» խորագրով ամենամյա դասախոսությանը
ԱԺ-ն ընդունեց Պարեկային ծառայություն ստեղծելու վերաբերյալ նախագիծը
Քաղաքականություն
03.06.2020 | 11:33
ՀՀ ազգային ժողովը երկրորդ ընթերցմամբ և ամբողջությամբ ընդունեց պարեկային ծառայություն ստեղծելու օրենքի նախագիծը: «Ոստիկանության մասին» օրենքում փոփոխություններ և լրացումներ կատարելու մասին և «Ոստիկանության ծառայության մասին» օրենքում փոփոխություններ և լրացումներ կատարելու մասին օրենքների նախագծերի փաթեթն ընդունվեց միաձայն՝ 112 կողմ ձայներով։
Այսպիսով՝ կստեղծվի նոր՝ պարեկային ծառայություն, որը կփոխարինի այժմ գործող պարեկապահակային ծառայությանը և ճանապարհային ոստիկանությանը:
Ծառայությունը առաջին փուլով կներդրվի Երևանում՝ մինչև 2021 թվականը, այնուհետև մարզերում։ Ըստ արդարադատության փոխնախարար Քրիստինե Գրիգորյանի՝ այս ծառայությունն իր մոտեցմամբ էապես տարբերվելու է և փոխարինելու է ներկայում գործող 2 արտաքին ծառայություններին․ Ճանապարհային ոստիկանությունն և պարեկապահակակետային ծառայությունը։
Ոստիկանության հետ սահմանվում են պարեկային ծառայության ստեղծման իրավական հիմքերը՝ ծառայողների պաշտոնները, նրանց ներկայացվող պահանջները, համալրման համար անցկացվող մրցույթը, ինչպես նաև Ոստիկանության ուսումնական հաստատությունում նրանց կրթությանը վերաբերող դրույթները։
Նախագծով՝ Ոստիկանությունում ծառայելու կրթական ցենզը հանվել է, այսինքն՝ միջնակարգ կրթությամբ ցանկացած անձ կարող է դիմել պարեկային ոստիկան դառնալու համար։
Փոխվել է նաև ոստիկանական ծառայող դառնալու տարիքային առավելագույն շեմը՝ 30-ից դառնալով 35:
