Տնտեսություն
02.06.2020 | 13:06Ազգային ժողովի այսօրվա նիստում պատգամավոր Արման Բաբաջանյանն անդրադարձավ «Գազպրոմ Արմենիա» ընկերության կողմից գազի գնի բարձրացման վերաբերյալ հայտին։ Պատգամավորը նշեց, որ գազի գինը, այսպիսով, ազգային անվտանգության հարց է։
«Ռուսաստանի համար գազի գինը քաղաքական լծակ է եղել միշտ, այդպիսին է նաև այսօր։ Ընդ որում, ամեն անգամ գազի սակագնի քննարկման ժամանակ մեզ ուրվականի պես այցի է գալիս անցյալը, քանի որ այդ անցյալում 2013 թվականին կնքված գազային խայտառակ համաձայնագրի արդյունքում է Ռուսաստանը տոտալ մենաշնորհ հաստատել Հայաստանում, այդ թվում՝ գազասպառման համակարգի նկատմամբ։ Մենք այսօր գազի գնի յուրաքանչյուր թանկացման ժամանակ վճարում ենք անցյալի, նախկին իշխանությունների կնքած հակապետական գործարքների համար։ Այս իրավիճակից միակ ելքը այդ խայտառակ համաձայնագրերի վերանայումն է, ինչը բարդ, այդուհանդերձ՝ անխուսափելի գործընթաց է»,- նշեց պատգամավորը։
Մանրամասները՝ տեսանյութում։
