12.01.2026 | 23:30
Գերմանիան և Հնդկաստանն ընդլայնում են ռազմական համագործակցությունը
Եթե չկարողանանք կանխել օրգանական զանգվածի ներհոսքը դեպի լիճ, կարող ենք կորցնել Սևանը․ փոխնախարար. ՏԵՍԱՆՅՈՒԹ
Տեսանյութեր
02.06.2020 | 13:19
Սևանա լճի ծաղկման ծավալների հարցում այս պահի դրությամբ չենք կարող պնդել, քանի որ լճի էկոհամակարգը բազմաշերտ է։ Այսօր հրավիրված առցանց ասուլիսում այս մասին ասաց ՀՀ շրջակա միջավայրի նախարարի տեղակալ Իրինա Ղափլանյանը։
«Շատ գործոններ են ազդում ծաղկման պրոցեսների վրա, և հստակ ծավալն այս պահի դրությամբ չենք կարող ասել։ Բայց երբ համադրում ենք անցյալ տարիների տվյալների հետ, ծաղկումը հունիսի կեսերից արդեն սկսվել էր և տևել մի քանի շաբաթ»,- հավելեց նա։
Փոխնախարարի խոսքով՝ նմանատիպ կապտականաչ ջրիմուռների ծաղկում տեղի է ունենում աշխարհի գրեթե բոլոր կետերում, որտեղ կան քաղցրահամ ջրի մեծ ջրավազաններ։
«Սևանը, ցավոք, եզակի դեպք չէ։ Երբ մենք արձանագրում ենք կապտականաչ ջրիմուռների աճ, փաստացի մտնում ենք լճի ճահճացման փուլ, ինչը վտանգավոր է, որովհետև կա անվերադարձի նիշ։ Եթե մենք չկարողանանք ժամանակին միջոցառումներ իրականացնել, կանխել այդ օրգանական զանգվածի ներհոսքը դեպի լիճ, փաստացի կարող ենք լիճը կորցնել»,- նշեց Իրինա Ղափլանյանը։
Մանրամասները՝ տեսանյութում։
