30.09.2026 | 16:04
Քաղաքացիների հանգստի համար հատկացված հողատարածքն օտարվել է. Կամո Արեյանը՝ մեղադրյալի աթոռին․ ՏԵՍԱՆՅՈՒԹ
Բաժնետոմսը հենց առար, ամուսնանում ես նրա հետ․ վաղը եթե վատ եղավ՝ գինը իջնելու է․ ԿԲ փոխնախագահ. ՏԵՍԱՆՅՈՒԹ
Տնտեսություն
02.06.2020 | 13:33
Ազգային ժողովը քննարկում է «Բարգավաճ Հայաստան» խմբակցության պատգամավոր Միքայել Մելքումյանի ներկայացրած «Բանկային ավանդների ներգրավման մասին» օրենքում փոփոխություններ և լրացում կատարելու մասին օրենքի նախագիծը, որով առաջարկվում է երաշխավորված դրամական ավանդային շեմը 10 միլիոնից դարձնել 16 միլիոն, իսկ արտարժույթով երաշխավորված ավանդի շեմը՝ 5 միլիոնից 7 միլիոն:
ԿԲ փոխնախագահ Ներսես Երիցյանը նշեց, որ հնարավոր է բանկային ավանդների ապահովագրության չափը շատ մեծացնել, բայց դժվար է այդ վճարը բանկերի վրա դնել։
«Սա ոչ թե խթանում է ավանդ դնելը կամ չդնելը, սա ընդամենը, քանի որ մենք օրենք ունենք, որ ավանդն ամենաիրացվելի ակտիվն է։ Բաժնետոմսը հենց առար, ամուսնանում ես նրա հետ։ Վաղը եթե վատ եղավ, գինն իջնելու է, դու կարող է 0 գին ունենաս: Պարտատոմսը՝ նույնը։ Իսկ ավանդի դեպքում նման բան չկա: Մենք օրենքով ամրագրել ենք, որ քաղաքացին երբ ուզում է, իր ավանդը կարողանա ամբողջությամբ վերցնել: Սա արդեն ռիսկ է, որը պետք է ապահովագրել»,- նշեց Ներսես Երիցյանը։
Մանրամասները՝ տեսանյութում։
