3000 վարակակրի ուղարկել են, որ տանը բուժվեն. ինչպես է կազմակերպվում COVID-19-ի տնային բուժումը. ՏԵՍԱՆՅՈՒԹ

Լուրեր

17.11.2026 | 23:25
Հայաստանի մի շարք հասցեներում էլեկտրաէներգիայի անջատումներ կլինեն
17.11.2026 | 23:10
25-ամյա հետախուզվողը հայտնաբերվել և ձերբակալվել է մայրաքաղաքում
17.11.2026 | 22:53
Սևանա լճի մակարդակը մեկ շաբաթում նվազել է 1 սանտիմետրով
17.11.2026 | 22:39
Ադրբեջանում առաջարկում են է՛լ ավելի խստացնել ՀԿ-ների գործունեությանը վերաբերող օրենսդրությունը
17.11.2026 | 22:22
Կյանքից հեռացել է ՀՀ ժողովրդական արտիստ Հակոբ Ազիզյանը
17.11.2026 | 22:08
Դատարանը վարույթ ընդունեց հայցադիմումը․ ընտրություններից 12 օր առաջ ԸԸՀ-ն պահանջում է չեղարկել թեկնածուի գրանցումը
17.11.2026 | 21:56
ԱՄՆ-ն խստացնում է արհեստական բանականության առաջադեմ չիպերի արտահանման կանոնները՝ Nvidia-ի ղեկավարի շուրջ սկանդալից հետո
17.11.2026 | 21:40
Ադրբեջանն ու Վրաստանը համատեղ զորավարժությունների անցկացման հարցեր են քննարկել
17.11.2026 | 21:28
Տեղի են ունեցել ՀՀ-ԳԴՀ պաշտպանական խորհրդակցությունները
17.11.2026 | 21:15
Ընդդիմությունն ունի բոլոր շանսերը՝ թույլ չտալու սահմանադրական հանրաքվե, հուսանք՝ մանդատագողություն չի լինի․ Դավիթ Խաժակյան. ՏԵՍԱՆՅՈՒԹ
17.11.2026 | 21:08
Ինչ է քննարկվել «Հարավկովկասյան երկաթուղու» կոնցեսիոն կառավարման հարցով հանդիպմանը
17.11.2026 | 20:56
Աննա Հակոբյանն ընդվզման կոչ է անում․ ով է պատասխանատու խցանումների համար. ՏԵՍԱՆՅՈՒԹ
17.11.2026 | 20:44
Լրագրողական հետաքննությունը բացահայտել է Deutsche Bank-ի կապերը ռուսաստանցի օլիգարխների, Ջեֆրի Էփշթեյնի և Դոնալդ Թրամփի հետ
17.11.2026 | 20:30
Ունեմ վարկած՝ Արմեն Գրիգորյանը կատարում է Փաշինյանի հանձնարարությունը՝ պատրաստելու շրջադարձն արևմտամետ կուրսից․ Լևոն Զուրաբյան. ՏԵՍԱՆՅՈՒԹ
17.11.2026 | 20:19
20։10-ի դրությամբ, Նոյեմբերյանի և Բերդի տարածաշրջանների ավտոճանապարհներին մառախուղ է
Բոլորը

Արդեն մեկ շաբաթ է Հայաստանում կորոնավիրուսի նոր տեսակով վարակված քաղաքացիները բուժում ստանում են տանը, եթե չունեն խրոնիկական հիվանդություններ և այլ ախտանիշներ: Նրանք գտնվում են պոլիկլինիկաների և ամբուլատորիաների բուժաշխատողների հսկողության տակ: Շատերի մոտ տարակուսանք առաջացնող այս լուրը առողջապահության նախարար Արսեն Թորոսյանը հայտարարեց մայիսի 19-ին, երբ երկրում հաստատվել էր կորոնավիրուսով վարակվելու 218 նոր դեպք, իսկ վարակվածների ընդհանուր թիվը 5041 էր: Նա առողջապահության պահպանման առաջնային օղակի բուժանձնակազմին տեղեկացրեց, որ կորնավիրուսով վարակված, բայց ախտանիշ չունեցող անձանց տնային հսկողությունն ընկնելու է հենց նրանց  ուսերին:

Հիշեցնենք, որ Արսեն Թորոսյանը դեռ մարտի 31-ին էր հայտնել, որ հիվանդների աճին զուգահեռ անցնելու ենք տանը բուժվելու ռեժիմին:

Հայաստանում ընդհանուր գրանցվել է COVID-19-ի 8676 դեպք, որից փաստացի բուժում է ստանում 5214-ը: Իսկ ահա 5214-ից շուրջ երեք հազարը բուժում են ստանում տնային պայմաններում: Այս մասին Factor TV-ի հետ զրույցում ասաց Առողջապահության նախարարության արտահիվանդանոցային բժշկական օգնության քաղաքականության բաժնի պետ Քնար Ղոնյանը:

Նրա փոխանցմամբ կորոնավիրուսով վարակված, բայց ասիմպտոմ հիվանդը տանը գտնվելու ընթացքում պոլիկլինիկայի բժշկի հսկողության ներքո է գտնվում:  Տեղամասային բժիշկը հատուկ պարտավորություն ունի պարբերաբար ճշտել հիվանդի ջեմաստիճանը և լսել նրա գանգատները:

Սակայն կորոնավիրուսի բուժումը տնային պայմաններում չի սահմանափակվում միայն բժշկի հետ հեռախոսազանգով և հեռակա խորհրդատվությամբ: Ըստ անհրաժեշտության բժիշկն այցելում է պացիենտին: Հիվանդը, եթե հեռախոսազրույցի ընթացքում ներկայացնում է առողջական վիճակի փոփոխություններ, որոնք անմիջական կապ ունեն կորոնավիրուսի ախտանիշների հետ, ապա  սպասարկող բժիշկը որոշում է կայացնում այցելել քաղաքացու բնակարան: Տնային բուժման ժամանակ հիվանդին որևէ դեղորայք չի նշանակվում:

Կորոնավիրուսով վարակված քաղաքացուն, ըստ անհրաժեշտության, կայցելեն նաև նեղ մասնագետներ: Առողջապահության նախարարության արտահիվանդանոցային բժշկական օգնության քաղաքականության բաժնի պետ Քնար Ղոնյանից Factor TV-ին հետաքրքրվեց, եթե քաղաքացին ունի սրտաբանի կամ ատամնաբույժի կարիք, ապա ինչպե՞ս է նրան տրամադրվելու համապատասխան բժշկական օգնությունը:

Պոլիկլինիկաները իրենց հաշվեկշռում գտնվող վարակակիր քաղաքացիների մասին թարմ տվյալներ ստանում են առողջապահության էլեկտրոնային «Արմեդ»  համակարգի միջոցով: Հանրապետության ամենախոշոր՝ «Սուրբ Գրիգոր Լուսավորիչ» ԲԿ-ի պոլիկլինիկայի տնօրեն Արտակ Ջումայանը  Factor TV-ին փոխանցեց, որ համակարգում գործում է երկու հարթակ, որտեղ հավաքագրված են կորնավիրուսի վարակակրի հետ շփված և արտերկրից վերադարձած անձանց կոնտակտները: Տնօրենն ասում է նախատեսված զանգերից հետո, եթե անհրաժեշտություն է լինում՝ քաղաքացուն տեղափոխում են պոլիկլինիկա:

Իսկ ինչպե՞ս  կողմնորոշվել, թե որ դեպքում պետք է տնայց կատարել, երբ  պոլիկլինիկա տեղափոխել կամ երբ բավարարվել միայն հեռախոսով խորհուրդ տալով:

Իսկ ահա այն քաղաքացիները, որոնց մոտ առայժմ հաստատված չէ վիրուսը, քննարկվում է պոլիկլինիկայում ռենտգեն և լաբորատոր հետազոտություններ անցնելուց հետո նրանց թեստավորման հարցը: Պատասխանը ստանալուց հետո, եթե այն դրական է, և պացիենտը չունի ախտանիշներ, ապա ինքնամեկուսանում է տանը:

Թե ասիմպտոմ դեպքերին տնային բուժման ուղարկելը որքանով կնպաստի, որ մասնագետները ստացիոնարներում իրենց ներուժն ուղղեն ծանր դեպքերի առողջացմանը՝ ժամանակը ցույց կտա: Սակայն նշենք, որ ասիմպտոմ պացիենտներին տուն ուղարկելը վարակի տարածման մեծ ռիսկ է պարունակում, քանի որ չկա այն վստահությունը, որ բոլորը կինքնամեկուսանան, և վիրուսը մյուսներին չեն փոխանցի:

 

Մանրամասները՝ տեսանյութում:

Նարեկ Կիրակոսյան