Հյուրանոցային ոլորտին միակ օգնողը հյուրն է. Գյումրիի հյուրանոցային բիզնեսը ծանր վիճակում է

Լուրեր

16.11.2026 | 23:32
Սևանի մակարդակը մեկ շաբաթում իջել է 1 սմ-ով․ տարեսկզբի համեմատ աճը 31 սմ է
16.11.2026 | 23:22
Լուսինե Բեկչյանն ազատվել է ԱԺ նախագահի օգնականի պաշտոնից
16.11.2026 | 23:01
Նոր Ջեյմս Բոնդը կլինի Ռոբերտ Պատինսոնը
16.11.2026 | 22:44
Երևանի Ֆուչիկի փողոցն առաջարկվում է անվանափոխել կոմպոզիտոր Վլադիլեն Բալյանի անունով
16.11.2026 | 22:26
Ձմեռային անվադողերի պարտադիր պահանջը խախտել է 400 վարորդ, որից 63-ը՝ Երևանում
16.11.2026 | 22:10
Բայրամովը Մեծ Բրիտանիայի պետքարտուղարի հետ քննարկել է Հայաստանի հետ կարգավորման գործընթացը
16.11.2026 | 21:59
Իրաքն ու Հորդանանն անվտանգության մտահոգությունների պատճառով արգելափակում են Telegram-ը
16.11.2026 | 21:47
Բորիս Նեմցովի սպանության համար դատապարտվածները գաղտնի ազատ են արձակվել և ապրում են Չեչնիայում․ «Проект»
16.11.2026 | 21:32
Օտարերկրյա միջամտություններ և հիբրիդային սպառնալիքներ․ Միրզոյանի ելույթը Բրյուսելում
16.11.2026 | 21:15
Դատավորը մեղադրյալի աթոռին. ինչո՞ւ Մասիս Մելքոնյանը զրկվեց անձեռնմխելիությունից․ ՏԵՍԱՆՅՈւԹ
16.11.2026 | 21:00
ԹԵԺ ԲԱՆԱՎԵՃ․ «Քաղաքացիական պայմանագիր», «Ուժեղ Հայաստան», «Հայաստան»․ պիտի փոխվի՞ Սահմանադրությունը. ՏԵՍԱՆՅՈւԹ
16.11.2026 | 20:49
Բազմաբնակարան բնակելի համալիրի կառուցման թույլտվություն կտրվի․ նախագիծը Երևանի ավագանին կքվեարկի չզեկուցվող հարցերի փաթեթում
16.11.2026 | 20:27
38 երկիր նախազգուշացրել է այս ձմռանն Ուկրաինայում միջուկային վթարի վտանգի մասին
16.11.2026 | 20:13
ԵՄ նոր պատժամիջոցների ցանկում են ՌԴ խոշորագույն նավթավերամշակման գործարանները, «ЮMoney»-ն, ավելի քան 40 բանկեր, Մատվիենկոյի որդին
16.11.2026 | 20:00
Դիտեք ԱԺ-ի և Հ1-ի ծեծկռտուքներն ու պարզ կլինի՝ ինչու է պետք միլիոնավոր դոլարներ ծախսել կրթության վրա․ Արմեն Մարտիրոսյան. ՏԵՍԱՆՅՈՒԹ
Բոլորը

Մայիսի 18-ից հանվեցին տնտեսական գործունեության տարբեր ոլորտների մի շարք սահմանափոկումներ ևս։ Շատ տնտեսվարողներ արդեն անցել են բնականոն գործունեության, իսկ մյուսներն դեռ սպասում են։

Ստեղծված իրավիճակում բարդ դրության մեջ է հատկապես հյուրանոցային, հյուրատնային բիզնեսը, որը շարունակում է մեծ վնասներ կրել։ Այս առումով ծանր վիճակում են հայտնվել Գյումրի հյուրանոցներն ու հյուրատները. քաղաքն այս տարի պատրաստվում էր մեծ թվով զբոսաշրջիկների հյուրընկալել։ Չնայած պարետատան կողմից սահմանափակումներ չեն կիրառվել հյուրանոցների դեպքում, այնուամենայնիվ, այս ոլորտն ամենատուժածներից է։ Գյումրիի հյուրանոցները, կորոնավիրոսային իրավիճակով պայմանավորված, այսօր մնացել են առանց հյուրերի, հյուրանոցային բիզնեսը ծանր օրեր է ապրում։

«Հայաստանում բոլոր տեղերում իրավիճակը նույնն է։ Ոչ միայն Գյումրիի, այլև ամբողջ Հայաստանի համար շատ պիկային տարի էր սպասվում, զգացվում էր պատվերների քանակից։ Հիմա արդեն, թերևս, միայն ներքին զբոսաշրջիկներ ունենանք»,- Factor.am-ի հետ զրույցում ասաց Գյումրիի «Kayaran Home» հյուրատան սեփականատեր Լուսինե Մանուկյանը։

Այս տարի ոլորտի մասնագետները հիմնական շեշտը դնում են ներքին տուրիզմի վրա՝ միայն դրանից եկամուտ ակնկալելով։

«Մենք էլ հասկանում ենք, որ այս տարի ավելի շատ կենտրոնացած կլինենք ներքին տուրիզմի վրա։ Վերջին տարիներին մեր արտագնա տուրիզմն էլ էր բավական ակտիվացել, և շատերը, ստեղծված իրավիճակում, հիմա կենտրոնացնելու են նախատեսված գումարները Հայաստանի վրա։ Իհարկե, դա նաև ուրախալի է»,- ասաց Լուսինե Մանուկյանը։

Չնայած հիմա տեղաշարժի և մի շարք այլ սահմանափակումներ հանված են, այնուամենայնիվ, մարդիկ դեռ չեն շտապում հանգստի մեկնել։ Հյուրանոցներում պատվերներ չկան։ Մեր զրուցակցի կարծիքով՝ աշխուժություն կնկատվի, երբ  բոլոր սահմանափակումները հանվեն, անցած ամիսների պես էլ հունիսից ևս  զբոսաշրջային ակնկալիքներ չկան։

«Դեռ շարժը չի զգացվում։ Հարցնում են, այնպես չէ, որ դա չկա, բայց շատ քիչ է: Սահմանափակ թվով հյուրեր ենք այս ընթացքում ունեցել, մատների վրա հաշված»,- ասաց Լուսինե Մանուկյանը։

Նա նշեց, որ Կառավարության աջակցության ծրագրերից օգտվել է. կարծում է՝ պետությունն իր հնարավորությունների չափով բիզնեսին օգնելու համար ամեն ինչ անում է։

«Որպես հյուրանոցի աշխատակից՝ օգտվել ենք աջակցությունից, որպես հյուրատուն՝ օգտվել եմ, քանի որ որպես ֆիզիկական անձ եմ գրանցված հարկայինում։ Իրականում պետությունն արդեն շատ բան անում է, եթե իսկապես հասկանում ես պետության վիճակը ու արած ծախսերը: Ճիշտ է, բողոքներ լսում եմ, շատերի հետ համեմատած՝ քիչ գումար է, բայց դե՝ պետք է հասկանանք, որ պետությունը դրանից ավելի չի էլ կարող, որ բոլոր ոլորտներին աջակից լինի»,- ասաց Լուսինե Մանուկյանը՝ հավելելով, որ հյուրանոցային ոլորտում ամենակարևոր օգնությունը  հյուրերի առկայությունն է։

«Հյուրանոցային, հյուրընկալության ոլորտն այնպիսին է, որ եթե հյուր չեղավ, ինչքան էլ տնտեսական օգնություն լինի, գիտեմ՝ տարբեր ծրագրեր կան, վարկային ծրագիր, որ բեռը մի փոքր թեթևանա, բայց չեմ կարծում շատ օգնի: Ինչ էլ լինի, եթե հյուրի շարժ չլինի, լիարժեք տնտեսական օգնություն չի կարող լինել հյուրանոցային ոլորտի  համար։ Մի փոքր կթեթևացնի բեռը, որպեսզի չփակվեն, աշխատակիցներին աշխատավարձ տան, բայց հյուրանոցային, տուրիզմի ոլորտին միակ օգնողը հյուրն է»,- ասաց մեր զրուցակիցը։

Մոտակա ամիսների համար տուրիստական փաթեթները չեղարկված են։ Հյուրանոցային ոլորտի տնտեսվարողները զբոսաշրջային հոսքի հույս ունեն  օգոստոս-հոկտեմբերին: Դա էլ, իհարկե, կախված է իրավիճակից։

Էմմա Չոբանյան