11.01.2025 | 19:09
Երկրաշարժ Սպիտակ քաղաքից 1 կմ հյուսիս
Վաղվանից թեթև կամ ասիմպտոմ վարակակիրներին հյուրանոցներից տուն կուղարկեն․ նախարար. ՏԵՍԱՆՅՈՒԹ
21.05.2020 | 11:46
«Ամենայն հավանականությամբ, վաղվանից չեն հոսպիտալացվի այն քաղաքացիները, որոնց մոտ կախտորոշվի կորոնավիրուս, բայց նրանք փաստացի բուժման կարիք չեն ունենա»,- լրագրողների հետ հանդիպմանն ասաց ՀՀ առողջապահության նախարար Արսեն Թորոսյանը։
«Վաղվանից, ամենայն հավանականությամբ, հյուրանոցներում և հիվանդանոցներում գտնվող թեթև սիմպտոմներով կամ առանց սիմպտոմների պացիենտներին կուղարկենք տուն, որպեսզի նրանք շարունակեն իրենց ինքնամեկուսացումը առողջության առաջնային պահպանման հաստատությունների հսկողության ներքո», – ասաց Թորոսյանը։
Նախարարն ընդգծեց, որ նման պացիենտները ոչ թե զրկվելու են բժշկական օգնությունից, այլ փոխվելու է հիվանդության վարման ռազմավարությունը։
«Շատ քիչ երկրներ կան, որ ասիմպտոմ ձևերին պահել են մեկուսացված վիճակում և բուժօգնություն ցույց տվել հիվանդանոցներում կամ հյուրանոցներում։ Մենք մինչ այսօր նման ձև ենք վարվել, վաղվանից կանցնենք այլ մարտավարության», – ասաց նա:
Մանրամասները՝ տեսանյութում:
