13.05.2026 | 19:20
Թրամփը հայտարարել է՝ Իրանի միջուկային ծրագրի դադարեցումն ավելի կարևոր է ամերիկացիների ֆինանսական դժվարություններին
Ինչ պետք է անել, որ ավիատոմսերի գները իջնեն. Արամ Սարգսյանը ելք է առաջարկում
Տեսանյութեր
15.11.2017 | 16:39
«Ելք» խմբակցության պատգամավոր Արամ Սարգսյանը, ԱԺ-ում հարցուպատասխանի ժամանակ, դիմելով ՀՀ փոխվարչապետ, միջազգային տնտեսական ինտեգրման և բարեփոխումների նախարար Վաչե Գաբրիելյանին ասաց՝ ՀՀ ավիատոմսերը թանկ են երեք հիմնական պատճառներով. «Առաջին պատճառն օդի հարկն է, որը չունի Վրաստանը, սակայն մենք ունենք: Հայաստանի պես երկիրը, որի համար օդային ճանապարհը ստրատեգիական է նման գին մտցնելու իրավունք չունի և ժամանակն է դա հանել: Երկրորդը՝ ավիավառելիքի գինն է: Պետք է ճանապարհներ փնտրել ավելի մատչելի ավիավառելիք ձեռք բերելու համար: Եվ երրորդը՝ «Զվարթնոց» օդանավակայանի ծառայությունների գներն են, որոնք ևս բարձր են»:
Վաչե Գաբրիելյանը հակադարձեց Սարգսյանին, նշելով, որ օդի հարկը գնային սանդղակում որոշիչ դեր չունի. «Օդի հարկից մենք հանել ենք Գյումրին, հարցապնդումը կարող եք անել ընդհանուր եկամուտների համատեքստում: Իսկ վառելիքի գնի մասին պետք է ասեմ, որ գնումները կատարվում են տարբեր աղբյուրներից: Իսկ «Զվարթնոցի» սպասարկման գների մեջ կա բազմազանություն և ասել, որ բոլորը բարձր են այդպես չէ»:
