10.08.2026 | 12:04
11 տարի հետախուզման մեջ գտնվող՝ 10.9 մլն եվրո հափշտակության գործով մեղադրյալը հայտնաբերվել է. նախաքննությունն ավարտվել է
ՌԴ-ում հայտնել են՝ երբ կթողարկվի կորոնավիրուսի դեմ պատվաստանյութը
16.05.2020 | 21:12
Նոր կորոնավիրուսի դեմ պատվաստանյութը Ռուսաստանում կարող է թողարկվել ամռան վերջին: ՌԻԱ Նովոստիի փոխանցմամբ՝ այս մասին հայտնել է Գամալեայի անվան համաճարակաբանության և միկրոկենսաբանության ազգային հետազոտական կենտրոնի տնօրեն Ալեքսանդր Գինցբուրգը:
Նա նշել է, որ դեռ շուրջ մեկ ամիս է հարկավոր նախակլինիկական փորձարկումների համար, ինչից հետո Առողջապահության նախարարությունը թույլ կտա պատվաստանյութը փորձարկել մարդկանց վրա: Գինցբուրգն ընդգծել է, որ գրանցումից և արտադրությունից հետո հնարավոր չի լինի այն անմիջապես պատվաստել երկրի բոլոր բնակիչներին:
Վիրուսաբանները կարծում են, որ եթե SARS-CoV-2-ը մուտացիայի չենթարկվի, ապա COVID-19-ի դեմ պատվաստանյութը կարող է ներառվել պատվաստումների ազգային օրացույցում:
Ալեքսանդր Գինցբուրգի կարծիքով՝ հնարավոր է կորոնավիրուսի երկրորդ և երրորդ ալիք:
Նշենք, որ Ռուսաստանում կորոնավիրուսով վարակվածների ընդհանուր թիվը 272.043 է, 2.537 պացիենտ մահացել է, 63.166 մարդ՝ ապաքինվել:
