17.11.2024 | 23:31
Պաշտոնանկություններ կառավարությունում․ 2 նախարար, ուժային կառույցների ղեկավարներ ու ՊԵԿ նախագահն ազատման դիմում են ներկայացրել
ՌԴ-ում որոշել են վերսկսել ֆուտբոլի առաջնությունը. այն կանցկացվի առանց հանդիսատեսի
15.05.2020 | 17:55
Կորոնավիրուսի համաճարակի պատճառով ընդհատված Ռուսաստանի ֆուտբոլի առաջնությունը հունիսի 21-ից կվերսկսվի: BBC-ի ռուսական ծառայության փոխանցմամբ՝ նման որոշում է կայացրել Ռուսական ֆուտբոլային միության (ՌՖՄ) գործադիր կոմիտեն:
Նշվում է, որ մինչև առաջնության ավարտը խաղերը կանցկացվեն առանց հանդիսատեսի:
«Ցավոք, մնացյալ հանդիպումները կանցկացվեն առանց հանդիսատեսի, քանի որ զանգվածային միջոցառումների անցկացման սահմանափակումներն ուժի մեջ են: Բայց մենք վստահ ենք, որ երկրպագուներն իրենց թիմերին տանից կսատարեն ոչ պակաս անկեղծությամբ»,- ասել է Ռուսական պրեմիեր-լիգայի ղեկավար Սերգեյ Պրյադկինը:
Միաժամանակ, ՌՖՄ-ի նախագահ Ալեքսանդր Դյուկովը լրագրողներին ասել է, որ Կառավարության հետ համաձայնեցրել են կարգը, որը թույլ կտա ռուսական ակումբներում հանդես եկող օտարերկրյա ֆուտբոլիստներին ՌԴ ժամանել:
Առաջնությունն ընդհատվել է մարտի 17-ին, 22-րդ տուրից հետո: Մրցաշարային աղյուսակում այդ պահին առաջատարը պետերբուրգյան «Զենիթ»-ն էր, որից 9 միավորով հետ են «Լոկոմոտիվ»-ն ու «Կրասնոդար»-ը, սակայն լրացուցիչ ցուցանիշներով մոսկովյան ակումբն ավելի շահավետ դիրքում է:
Նշենք, որ կորոնավիրուսի համաճարակի պատճառով դադարեցվել են նաև ֆուտբոլի եվրոպական առաջնությունները: Որոշ երկրներում, սակայն, որոշվել է վերականգնել առաջնությունները:
