17.12.2025 | 14:37
Արման Ծառուկյանը՝ UFC-ի նախագահի հետ հարաբերությունների ու Փիմբլեթ-Գեյջի մենամարտում պահեստային լինելու մասին
Արոնյանը կմասնակցի Կարլսենի կազմակերպած առցանց երկրորդ մրցաշարին
14.05.2020 | 18:53
Շախմատի աշխարհի չեմպիոն Մագնուս Կարլսենը հերթական առցանց մրցաշարը կկազմակերպի, որին կմասնակցի նաև հայկական շախմատի առաջատար Լևոն Արոնյանը:
«Արմենպրես»-ի հաղորդմամբ` հաջորդիվ կազմակերպվելիք մրցաշարը կկրի Lindores Abbey Rapid Challenge անվանումը: Մրցաշարին կմասնակցեն Մագնուս Կարլսենը, Դին Լիժենը, Ի Վենը, Յի Յանին, Հիկարու Նակամուրան, Ուեսլի Սոն, Լևոն Արոնյանը, Կշիշտով Դուդան, Ալիռեզան Ֆիրուջան, Ալեքսանդր Գրիշչուկը, Սերգեյ Կարյակինը և Դանիլ Դուբրովը: Այն կմեկնարկի մայիսի 19-ին և կեզրափակվի հունիսի 3-ին:
Շախմատիստները մեկնարկում կմրցեն արագ շախմատում, որը բաղկացած է 11 պարտիայից: Լավագույն 8 շախմատիստները դուրս կգան փլեյ-օֆֆ:
Եվս երկու մրցաշար պլանավորվում է անցկացնել հուլիս-օգոստոս ամիսներին:
