10.09.2026 | 18:23
COP17-ի համար նոր ենթակայան է կառուցվում, գործողը՝ վերազինվում
Չեմ կարծում՝ գործող կառավարությունը ժամանակից շուտ հրաժարական տա. Էդուարդ Շարմազանով
Քաղաքականություն
15.11.2017 | 12:38
ԱԺ փոխնախագահ Էդուարդ Շարմազանովի կարծիքով՝ այս օրերին «Ծառուկյան» խմբակցության պատգամավորների կողմից վարչապետին ուղղված քննադատությունները պայմանավորված են նրանով, որ քաղաքական աշուն է և կրքերը թեժանում են:
«Ես չեմ զարմանում, իրենք ընդդիմադիր կուսակցություն են: Մենք գտնում են, որ Կառավարության քաղաքականությունը միտված է լուծելու այն խնդիրները, որոնք կան երկրում, ինչքան է արդյունավետ, ինչքանով՝ ոչ, ցույց կտա ժամանակը»,- Factor.am-ի հետ զրույցում ասաց իշխող կուսակցության մամուլի խոսնակը:
Հիշեցնենք՝ այս օրերին «Ծառուկյան» խմբակցության պատգամավորները քննադատում են կառավարության գործունեությունը, ավելին՝ երեկ խմբակցության պատգամավոր Նաիրա Զոհրաբյանն ԱԺ ամբիոնից հայտարարեց՝ կառավարությունը տապալվել է: Էդուարդ Շարմազանովը համաձայն չէ, որ Կառավարությունը տապալվել է, սակայն նշեց, որ բնական է ընդդիմության քննադատությունը:
««Ելք»-ը կարո՞ղ է քննադատել, «Ծառուկյան» դաշինքը՝ ո՞չ: Ազգային ժողովում թիվ մեկ ընդդիմադիր ուժը «Ծառուկյան» դաշինքն է: Հիմա իրենք հարց են բարձրացրել, ընդդիմությունը, ինչպես մեր հարգարժան առաջին նախագահն էր ասում, քննադատելու համար է, իշխանությունը՝ պատասխանելու»,- ընդգծեց ԱԺ փոխնախագահը:
Factor.am-ի հարցին՝ հնարավո՞ր է կառավարությունը ժամանակից շուտ հրաժարական տա, ՀՀԿ խոսնակն ասաց, որ ոչ:
Մանրամասները՝ տեսանյութում:
