14.12.2024 | 19:57
Ինչ իրավիճակ է ճանապարհներին 19։35-ի դրությամբ
Ալիևը ԵԱՀԿ ՄԽ համանախագահներին կոչ է արել ճնշում գործադրել Երևանի վրա՝ ԼՂ գործընթացը «մեռյալ կետից շարժելու համար»
Քաղաքականություն
09.05.2020 | 20:43
Ադրբեջանի նախագահ Իլհամ Ալիևը ծավալուն հարցազրույց է տվել ռուսական «Национальная оборона» ամսագրին, որում անդրադարձ կա նաև արցախյան հակամարտության կարգավորման շուրջ բանակցություններին:
Նա նախ «պատմական ակնարկ» է կատարել՝ ներկայացնելով Արցախի պատմության վերաբերյալ ադրբեջանական հայտնի թեզերը:
«Միջազգային հանրությանն ու ԵԱՀԿ Մինսկի խմբի համանախագահ երկրներին կոչ ենք անում լուրջ ճնշում գործադրել Հայաստանի վրա՝ խաղաղարար գործընթացը մեռյալ կետից շարժելու համար»,- խոսելով բանակցային գործընթացի մասին՝ ասել է Ալիևը:
Անդրադառնալով փախստականների հարցին՝ Ալիևը հայտարարել է, որ «հայկական զորքերը պետք է դուրս գան գրավյալ տարածքներից», իսկ փախստականներն ու հարկադիր տեղահանվածները վերադառնան իրենց բնակավայրերը:
