Վիգեն Սարգսյանը «Ազգ-բանակ» հայեցակարգը գողացել է. Նիկոլ Փաշինյան

 Քննարկում ենք «Զինվորական ծառայության և զինծառայողի կարգավիճակի մասին» օրենքը երկրորդ ընթերցմամբ, և անկեղծ ասած, անհասկանալի է պաշտպանության նախարարի բացակայությունը այս քննարկումից, մանավանդ առաջին ընթերցման ժամանակ նրա, թույլ տվեք ասել, ցինիկ եզրափակիչ խոսքից հետո, որին անդրադառնալու առիթ մինչ այս պահը չեմ ունեցել, ու սա առաջին առիթն է, և ես պետք է մի շարք հարցադրումներ անեմ. այսօր ԱԺ-ում ելույթ ունենալիս ասաց «Ելք» խմբակցության ղեկավար Նիկոլ Փաշինյանը:

«Պաշտպանության նախարարը այս ամբիոնից արեց հայտարարություններ, որոնք խաշած հավի ծիծաղը կհարուցեին: Վիգեն Սարգսյանը մնում- մնում այս ամբիոնից հայտարարում է՝ «ես որպես քաղաքական գործիչ», բայց այս մարդը իր գործունեությունն իրականացրել է տարբեր պաշտոնյաների ընդունարաններում… Վերջին անգամ իր քաղաքական գործունեության ընթացքում էս մարդը «ժիվոյ» քաղաքացի ե՞րբ ա տեսել»,- հարց հնչեցրեց Փաշինյանը ու անցավ իր երկրորդ հարցադրմանը:

«Վիգեն Սարգսյանն ասում է՝ ինչ պայմաններում, որ ես ծառայել եմ Հայոց բանակում, նույն պայմաններում ծառայություն եմ առաջարկում Հայաստանի քաղաքցիներին: Այսինքն՝ Վիգեն Սարգսյանը առաջարկում է, որ հազարավոր զորակոչիկները դառնան Սերժ Սարգսյանի ռեֆերե՞նդ»,- ասաց «Ելք» խմբակցության ղեկավարը՝ նշելով, որ Վիգեն Սարգսյանը ինչպես իր չակերտավոր քաղաքական գործունեությունը, նույնպես էլ բանակային ծառայությունը անց է կացրել Սերժ Սարգսյանի ընդունարանում:

«Վիգեն Սարգսյանը էսօր էլ Սերժ Սարգսյանի ռեֆերենդ է ու աշխատում է պաշտպանության նախարարի կաբինետում, ընդամենը»,- նկատեց Նիկոլ Փաշինյանը:

Շարունակությունը՝ տեսանյութում: