10.09.2026 | 17:01
1.45 մլրդ դրամ՝ Գյումրու թիվ 2 պոլիկլինիկայի հիմնանորոգման համար
Մեր դպրոցներում ոչ թե կուսակցականացում է, այլ կուսակցական շահագործում. կրթության փորձագետ
Հասարակություն
13.11.2017 | 12:44
Բուհերի զարգացմանը խանգարում է կուսակցականացումն ու քաղաքականացումը և այդ երևույթն առկա է նաև դպրոցներում` ավելի սուր կերպով, որտեղ իրականում ոչ թե կուսակցականացում է տեղի ունենում, այլև կուսակցական շահագործում: Այս մասին «Հոդված 3» մամուլի ակումբում ասաց ԵՊՀ դասախոս, կրթության փորձագետ Սերոբ Խաչատրյանը:
«Մենք այսօր ապրում ենք մի աշխարհում, որտեղ կրթական համակարգին ազատություն է պետք, որպեսզի կրթական համակարգը կարողանա բավարարել այն դժվարին պահանջները, որոնք կանգնած են կրթական ոլորտի առջև»,- նշեց փորձագետը:
Ըստ նրա՝ կրթության ոլորտում առկա խնդիրների լուծման համար անհրաժեշտ են ազատամիտ դասախոսներ և ուսուցիչներ: «Երբ դասախոսը կամ ուսուցիչը ազատամիտ չէ,դա զգում են թե ՛աշակերները, թե՛ ուսանողները: Եթե նրանք այդ միջավայրը չեն տեսնում, ապա ժողովրդավարության մասին խոսելն իմաստ չունի»,- ընդգծեց Խաչատրյանը:
Անդրադառնալով վերջին օրերին ուսանողների կազմակերպած դասադուլներին և դրա շրջանակում համալսարաններում հնարավոր ճնշումներին դասախոսների նկատմամբ՝ բանախոսն իր սեփական օրինակով փաստեց, որ նման բան չկա:
«Ես ասուլիս եմ տվել և ինձ ոչ ոք չի ասել՝ ինչու եմ ասուլիս տվել: Բացի այդ, ԵՊՀ-ն միակ համալսարանն է, որտեղ գոնե տարակարծություն կա»,- շարունակեց փորձագետն, այնուամենայնիվ նկատելով, որ հարմարվողներն են մեծամասնություն կազմում: Բանախոսը պնդեց՝ ԵՊհ-ում կան ազատ արտահայտվողներ, թեև փոքրամասնություն են:
