20.01.2026 | 11:26
ԱԺ-ն առաջին ընթերցմամբ ընդունեց 27-37 տարեկան չծառայածներին քրեական պատասխանատվությունից ազատելու նախագիծը
Ծառատնկման ծրագիրը կիրականացվի 6 մարզերում, մինչև 1.000 աշխատող կներգրավվի. Վարդան Մելիքյան. ՏԵՍԱՆՅՈՒԹ
Տնտեսություն
30.04.2020 | 16:32
Կառավարությունն այսօրվա նիստում հաստատեց կորոնավիրուսի տնտեսական հետևանքների չեզոքացման 15-րդ միջոցառումը։ Բնապահպանական այս ծրագիրը, շրջակա միջավայրի փոխնախարար Վարդան Մելիքյանի փոխանցմամբ, կիրականացվի Հայաստանի 6 մարզերում՝ Սյունիքում, Վայոց ձորում, Շիրակում, Լոռիում, Տավուշում և Գեղարքունիքում:
«Հիմնականում կլինեն բարձրադիր գոտիները՝ 1800-2400 մետր բարձրության վրա: Քարտեզագրվում են այն գետերը, որոնց ափերին հնարավոր է և ցանկալի է ունենալ նման անտառաշերտեր»,- ասաց նա:
Ըստ Մելիքյանի՝ նախատեսվում է, որ ծրագրում մինչև 1.000 քաղաքացի կներգրավվի:
Նշենք, որ Կառավարության հաստատած այս միջոցառման նպատակն է՝ բնապահպանական խնդիրներ լուծելու միջոցով գյուղատնտեսական ոլորտում ժամանակավոր աշխատատեղեր ստեղծել: Ըստ այդմ, կորոնավիրուսի տարածման հետևանքով առաջացած դժվարությունների արդյունքում սոցիալական խնդիրների առջև կանգնած բնակչությանը ծառատնկման աշխատանքներ կատարելու դիմաց վճար կտրամադրվի:
Առաջարկվում է Հայաստանի բարձրադիր գոտիներում ուռենու տեղական տեսակների կտրոնների միջոցով գետերի հովիտներում հիմնել ափապաշտպան անտառաշերտեր՝ աշխատանքներում լայնորեն ներգրավելով տեղական բնակչությանը՝ այդպիսով ստեղծելով լրացուցիչ աշխատատեղեր, մեղմելով բնակչության եկամուտների կրճատման հետ կապված վտանգները։
Մանրամասները՝ տեսանյութում:
