15.12.2025 | 15:31
Արարատի մարզի որոշ շրջաններում 24 ժամ ջուր չի լինի
Առաջարկվում է սահմանել ներում շնորհելու ավելի վաղ ժամկետներ, ներման խնդրագրի քննարկման հստակեցում. ՏԵՍԱՆՅՈՒԹ
Հասարակություն
30.04.2020 | 14:25
Այսօր ԱԺ պետաիրավական հարցերի մշտական հանձնաժողովի նիստում արդարադատության փոխնախարար Սրբուհի Գալյանը ներկայացրեց «Ներման մասին» օրենքում փոփոխություններ և լրացումներ կատարելու մասին օրենքը, որը քննարկվում է երկրորդ ընթերցմամբ։
«Նախագծով կարգավորվում են մի շարք կարևոր հարցեր, որոնք վերաբերվում են ներման ինստիտուտին, մասնավորապես՝ սահմանվում է ներման խնդրագիրը չքննարկելու և այն վերադարձնելու դեպքը, որոշակի ժամկետներ ներման խնդրագրի հիման վրա պահանջվող տեղեկատվությունը նախարարությանը ներկայացնելու համար, ամրագրվում է մեխանիզմ, որը վերաբերում է տուժողների իրավունքների պաշտպանությանը, այսինքն՝ նաև ներման խնդրագիրը քննարկելիս հաշվի առնելու որոշակի խումբ հանցագործություններից տուժող անձանց կարծիքը։ Նախատեսվել է նաև ներման խնդրագրին առնչվող տեղեկությունների գաղտնիության պահպանման վերաբերյալ կարգավորում, կարգավորվել են ներման խնդրագիրը մերժելու դեպքում բացառիկ հանգամանքներ՝ ներման նոր խնդրագիր ներկայացնելու հարաբերություններ և նախատեսվել է որոշակի ժամկետով ազատազրման դատապարտված և ցմահ ազատազրկման դատապարտվածների համար ներում շնորհելու ավելի վաղ ժամկետներ»,- մանրամասնեց փոխնախարարը։
Նշենք, որ նախագծի հեղինակներն են ԱԺ «Բարգավաճ Հայաստան» խմբակցության պատգամավորներ Նաիրա Զոհրաբյանն ու Վահե Էնֆիաջյանը։
Մանրամասները՝ տեսանյութում։
