15.12.2025 | 15:31
Արարատի մարզի որոշ շրջաններում 24 ժամ ջուր չի լինի
«ՀՔԾ-ն ունի որոշակի ծանրաբեռնվածություն»․ առաջարկվում է հստակեցնել գործունեության շրջանակը. ՏԵՍԱՆՅՈՒԹ
Հասարակություն
30.04.2020 | 14:10
Հատուկ Քննչական ծառայությունը ունի որոշակի ծանրաբեռնվածություն, ինչը շեղում է բուն առաքելությունը պատշաճ կատարելուց։ Այս մասին այսօր ԱԺ պետաիրավական հարցերի մշտական հանձնաժողովի նիստում ասաց արդարադատության փոխնախարար Սրբուհի Գալյանը։
Փոխնախարարը ներկայացրեց Կառավարության կողմից առաջարկված ՀՀ քրեական դատավարության օրենսգրքում փոփոխություններ կատարելու մասին և «Հատուկ քննչական ծառայության մասին» Հայաստանի Հանրապետության օրենքում փոփոխություն կատարելու մասին օրենքի նախագծերի փաթեթը։
«Առաջարկվում է սահմանել այն սուբյեկտների շրջանակը, ովքեր կարող են հայտնվել Հատուկ քննչական ծառայության տիրույթում, օրենքով սահմանել բարձրաստիճան պաշտոնատար անձ հասկացությունը, այդ անձանց մեջ ներառելով որոշակի խումբ անձանց, օրինակ՝ վարչապետ, նախագահ, ինքնավար մարմինների անդամներ և այլն։ Նաև առաջարկվում է փոփոխություն կատարել այն մասում, որը հնարավորություն է տալիս գլխավոր դատախազին գործը քննչական վարույթից փոխանցել ՀՔԾ-ին»,- նշեց փոխնախարարը։
Մանրամասները՝ տեսանյութում։
