30.04.2026 | 01:05
Չեմպիոնների լիգա․ «Աթլետիկոն» ու «Արսենալը» չպարզեցին հաղթողին․ ՏԵՍԱՆՅՈՒԹ
Արարատը Հայաստանի ազգային խորհրդանիշն է․ ԱՄՆ Պետդեպարտամենտի պարբերականում Հայաստանի մասին հոդված է հրապարակվել
29.04.2020 | 21:09
ԱՄՆ Պետդեպարտամենտի State Magazine առցանց պարբերականում Հայաստանի ու հայկական խորհրդանիշների մասին հոդված է հրապարակվել։ Այս մասին տեղեկանում ենք statemag.state․gov կայքից։
Հոդվածում նշվում է, որ Հայաստանը հնագույն երկիր է՝ հարուստ ու ինքնատիպ մշակույթով։ Հոդվածագիր Լիա Միլլերը, որը Հայաստանում ԱՄՆ դեսպանության hասարակայնության հետ կապերի բաժնի ղեկավարն է, նշում է, որ Հայաստանի մայրաքաղաք Երևանն աշխարհի հնագույն քաղաքներից մեկն է և կառուցվել է Հռոմից դեռ 29 տարի առաջ։
«Արարատ լեռը կամ, ինչպես նրան փաղաքշական անվանում են, Մասիսը, Հայաստանի ազգային խորհրդանիշն է և հայտնի է իր հրաշագեղ տեսարաններով։ Հրաբխային լեռն այժմ գտնվում է Թուրքիայում, ինչն այն հայերի համար դժվարահաս է դարձնում: Այնուամենայնիվ, այն մնում է նրանց սրտերում՝ որպես մշակութային ու պատմական հպարտության աղբյուր»,- նշվում է հոդվածում։
Հեղինակը պատմում է նաև հայկական արհեստագործության, մասնավորապես`գորգագործության ու քարերի վրա փորագրության` խաչքարերի պատրաստման մասին: Նա ներկայացնում է նաև հայկական խոհարարական ավանդույթները, մասնավորապես՝ լավաշի պատրաստումը։
Լիա Միլլերն իր հոդվածում անդրադառնում է նաև Հայաստանում ԱՄՆ դեսպանատան կողմից իրականացված աշխատանքին և սոցիալական, հասարակական-քաղաքական ու մշակութային նախաձեռնությունների աջակցմանը:
Նելլի Մելքոնյան
