11.06.2026 | 22:59
ԿԸՀ-ն անվավեր ճանաչեց 10/51 ընտրատեղամասի արդյունքները. ՔՊ-ն այնտեղ 630 քվե էր ստացել, «Ուժեղ Հայաստանը»` 222
Պարսից ծոցը Նյու Յորքի ծոց չէ.այն պատկանում է Իրանի ժողովրդին. Ռոհանի
Քաղաքականություն
29.04.2020 | 20:54
Ամերիկացիները պետք է իմանան, որ Իրանի հարավում ջրային ուղին կոչվում է Պարսից ծոց, այլ որ թե Նյու Յորքի կամ Վաշինգտոնի ծոց: ԻՌՆԱ-ի փոխանցմամբ՝ այս մասին հայտարարել է ԻԻՀ նախագահ Հասան Ռոհանին:
«Ամերիկացիները պետք է հասկանան իրավիճակը և ամեն օր իրանցի ժողովրդի դեմ նոր դավեր չնյութեն՝ հաշվի առնելով Պարսից ծոցի անվանումն ու ժողովրդին, որն այդ ջրային ուղին պաշտպանել է հազարամյակներ շարունակ»,- Պարսից ծոցի ազգային օրվա առիթով նախարարների կաբինետի նիստի ժամանակ ասել է Ռոհանին:
Իրանի նախագահը նաև Պարսից ծոցն աշխարհի խոշորագույն էներգետին կենտրոններից մեկն է կոչել:
«Պարսից ծոցը շատ կարևոր և զգայուն գոտի է: Այն կարևոր պատմական ջրային ուղի է մեզ համար»,- ասել է Հասան Ռոհանին:
Նրա խոսքով՝ Իրանի Զինուժը միշտ պաշտպանել և պաշտպանելու է Պարսից ծոցը: «Այն պատկանում է իրանցի ժողովրդին»,- հայտարարել է Իրանի նախագահը:
