01.07.2026 | 22:57
ԱԺ պատգամավորի երդման տեքստը կփոփոխվի․ օրենքի նախագիծը դրական եզրակացություն է ստացել
Կորոնավիրուսի 6 նոր դեպք Վրաստանում. չորս խոշոր քաղաքների ելումուտը կրկին արգելվում է
Քաղաքականություն
29.04.2020 | 11:30
Ապրիլի 29-ի ժամը 10:00-ի դրությամբ Վրաստանում կորոնավիրուսի վարակի 6 նոր դեպք է գրանցվել, ընդհանուր դեպքերի քանակը երկրում կազմում է 517: Այս մասին ասվում է կառավարության կողմից ստեղծված կայքէջում. գրում է aliq.ge-ն:
Վրաստանում կորոնավիրուսից բուժվել է 168 մարդ, մահացել՝ 6-ը:
Այս պահի դրությամբ կարանտինային գոտում է գտնվում 5153 քաղաքացի, հատուկ ստացիոնար հսկողության տակ է 549 պացիենտ: Արտերկրից կորոնավիրուսով վարակված 3 քաղաքացի է տեղափոխվել Վրաստան` բուժվելու նպատակով:
Կայքը միաժամանակ տեղեկացնում է, որ այսօրվանից Վրաստանի բոլոր չորս խոշոր քաղաքներում` Թբիլիսիում, Ռուսթավիում, Բաթումիում և Քութայիսիում, կրկին արգելվում է բոլոր տեսակի տեղաշարժը, մուտքն ու ելքը: Միջքաղաքային տեղաշարժի վերականգնման երկօրյա ժամկետը նրանց համար, ովքեր ցանկանում էին վերադառնալ փաստացի բնակության վայր, երեկ երեկոյան 21:00-ին ավարտվեց:
Թբիլիսիի բնակիչները, հատուկ թույտվությամբ՝ գյուղատնտեսական աշխատանքների նպատակով, հնարավորություն կունենան առավոտյան 6:00-8:00-ն և երեկոյան 18:00-19:00-ն դուրս գան քաղաքից և վերադառնան: Քաղաքը լքելուց 12 ժամ առաջ քաղաքացիները պետք է հատուկ թույլտվություն լրացնեն:
Նշենք նաև, որ Վրաստանում պարետային ժամը, հավանաբար, կտևի մինչև մայիսի 22-ը:
