11.06.2026 | 22:34
Ո՞ւմ օգտին են փոխվում թվերը․ վաղը կավարտվի ընտրությունների արդյունքների վերահաշվարկը. ՏԵՍԱՆՅՈՒԹ
Էներգետիկ համակարգը կարող է քանդվել․ ընտրությունը հետևյալն է՝ երկրում հոսանք լինելո՞ւ է, թե՝ ոչ․ Նիկոլ Փաշինյան. ՏԵՍԱՆՅՈՒԹ
Տնտեսություն
28.04.2020 | 12:59
Այս օրերին անջատվել է էլեկտրաէներգիայի վարձերը չվճարած 4300 բաժանորդի հոսանք, հիմնականում պարտքը գերազանցել է 30 000 դրամը, իսկ գազի բաժանորդներից 736-ի մատակարարումն է կասեցված, պարտքը հիմնականում կազմել է 80 000 դրամ և ավելի։ Այս տվյալները ուղիղ եթերում հրապարակեց վարչապետ Նիկոլ Փաշինյանը։
Նա հիշեց նախկինում իր արած այն հայտարարությունը, թե արտակարգ դրության ժամանակ մարդկանց լույսն ու գազը չի անջատվելու, և ասաց, որ իր այդ հայտարարությունից հետո կոմունալ վարձավճարները չեն վճարել ո՛չ միայն գումար չունեցողները, այլև՝ ունեցողները։
Մասնավորապես, անջատումներից հետո բաժանորդները կատարել են շուրջ 7 միլիարդ դրամի վճարում: «Հարուստ մարդիկ սկսել են չվճարել, պատճառն այն է, որ կառավարությունն ասել է՝ չվճարելու պարագայում անջատումներ չեն լինելու։ Ամենամեծ ռիսկն այն է, որ էներգետիկ համակարգը կարող է քանդվել։ Կարող է ոչ թե խոսք գնալ 5000 հոգու էլեկտրաէներգիան անջատելու մասին, այլ նրա, որ էներգետիկ համակարգը կարող է չաշխատել։ Ընտրությունը նրա մեջ է, երկրում հոսանք լինելո՞ւ է, թե՝ ոչ։ Եթե ճգնաժամ չլիներ, այսպես չէր լինի»,- ասաց վարչապետը։
Այս պայմաններում կառավարությունը համաձայնություն է տվել, որ ՀԾԿՀ-ն և մատակարարները խստացնեն իրենց դիրքորոշումը, ինչից հետո համակարգում մեծ ծավալի վճարումներ եղան:
«Առնվազն բազմաթիվ մարդիկ, որ կարող էին վճարել, ասել էին՝ որ կարող ենք չվճարել, դե ուրեմն չվճարենք էլի, և համակարգը փրկեցինք կոլափսից։ Մենք տրվել էինք էմոցիոնալ բանի, ավելի շուտ՝ ՀԾԿՀ-ն՝ ոչ կառավարությունը, բայց կառավարությունն էլ աջակցել էր»,- ասաց Նիկոլ Փաշինյանը։
Մանրամասները՝ տեսանյութում:
