Տնտեսություն
28.04.2020 | 12:28Ասում են՝ եթե ձեզ լիմոն են մատուցում, փորձեք դրանից լիմոնադ ստանալ։ Հիմա մենք արդյոք մեր հնարավորությունները՝ «լիմոնադ պատրաստելու», ամբողջովին իրականացնո՞ւմ ենք։ Նման հարց ուղղեց «Բարգավաճ Հայաստան» խմբակցության պատգամավոր Սերգեյ Բագրատյանը ֆինանսների նախարար Ատոմ Ջանջուղազյանին։
Վերջինս, մասնավորապես, նշեց, որ հնարավոր բոլոր տարբերակները քննարկվում են, վերջիվերջո կգան լավագույն լուծման։ Բագրատյանն արձագանքեց՝ տալով հաջորդ հարցը․ «Փոխվարչապետի ելույթից պարզ է դառնում, որ մենք 1,5 մլրդ վարկային հնարավորություններ ունենք։ Արդյոք մենք չե՞նք հապաղում և չենք հայտնվի կոտրած տաշտակի առջև»։
Հիշեցնենք, որ ԱԺ արտահերթ նիստում քննարկվում է Կառավարության առաջարկած՝ ՀՀ 2020 թվականի պետական բյուջեում փոփոխություններ կատարելու նախագիծը։
Մանրամասները՝ տեսանյութում։
