13.07.2026 | 18:35
Հաստիքի կրճատո՞ւմ, թե՞ քաղաքական ենթատեքստ. ինչու է աշխատանքից ազատվել Փաշինյանի հետ վիճած բժշկուհին
Վրացական Թեթրիծկարոյում խիստ կարանտինային ռեժիմ է սահմանվել
Քաղաքականություն
26.04.2020 | 20:46
Կորոնավիրուսով վարակվածների թվի կտրուկ աճի հետ կապված՝ Վրաստանի Քվեմո Քարթլիի Թեթրիծկարո շրջանում խիստ կարանտինային ռեժիմ է սահմանվել: Sputnik Georgia-ի փոխանցմամբ՝ այս մասին հայտարարել է շրջանի ղեկավար Շոթա Ռեխվիաշվիլին:
Նրա խոսքով՝ մունիցիպալիտետում վարակի 19 դեպք է արձանագրվել, որից 12-ը՝ Թեթրիծկարո շրջկենտրոնում: Շրջանի մուտքերի մոտ 4 հսկիչ անցակետեր են տեղակայվել:
Թեթրիծկարոյում կորոնավիրուսով վարակի առաջին դեպքն արձանագրվել է տեղի հիվանդանոցի բուժքույրերից մեկի մոտ: Մնացյալ 18 վարակվածները նրա հետ շփում ունեցած անձինք են: Բուժաշխատողի վարակի աղբյուրը առայժմ հայտնի չէ:
Նշենք, որ նախօրեին էլ խիստ կարանտինային ռեժիմ էր սահմանվել Վրաստանի Բոլնիսիի մունիցիպալիտետի Խատիսոփելի, Վանաթի և Մուշեվանի շրջաններում:
