15.07.2026 | 09:30
Հայտնի է «Արարատ-Արմենիայի» մրցակիցը Չեմպիոնների լիգայի որակավորման երկրորդ փուլում
Ուռուցքաբանության կենտրոնի 15 բուժաշխատողներ մեկուսացվել են՝ վարակված պացիենտի հետ շփվելու պատճառով
24.04.2020 | 21:44
ՀՀ ԱՆ Վ.Ա.Ֆանարջյանի անվան Ուռուցքաբանության ազգային կենտրոնի բուժանձնակազմի որոշ աշխատակիցների մեկուսացրել են՝ կորոնավիրուսով վարակված քաղաքացու հետ շփվելու համար: Այս մասին Factor.am-ին փոխանցեց կենտրոնի փոխտնօրեն Արթուր Ավետիսյանը: «Հստակ թիվը չեմ կարող ասել, կարծեմ 15 հոգու են մեկուսացրել»,- ասաց նա:
Տնօրենի տեղակալը հայտնեց, որ «Էրեբունի» բժշկական կենտրոնից կորոնավիրուսի ախտանիշներ ունեցող պացիենտի են տեղափոխել Ուռուցքաբանության ազգային կենտրոն: Ինչի արդյունքում էլ բուժանձնակազմից որոշ անդամների ստիպված են եղել մեկուսացնել: «Մեկ անգամ նրան թեստավորել են «Էրեբունի» ԲԿ-ում՝ այնտեղ բացասական է եղել: Հետո մեր մոտ են արել՝ հաստատվել է»,- ներկայացրեց փոխտնօրենը՝ հավելելով, որ վարակված քաղաքացուն տեղափոխել են Գրիգոր Լուսավորիչ ԲԿ:
Հարցին՝ արդյո՞ք Ուռուցքաբանության ազգային կենտրոնի բուժաշխատողներին թեստավորել են, Արթուր Ավետիսյանն ասաց, որ ըստ ընթացակարգի, կթեստավորեն:
Նարեկ Կիրակոսյան
