Քաղաքականություն
22.04.2020 | 18:08
Ազգային ժողովն այսօր արտահերթ նիստում առաջին ընթերցմամբ ընդունեց «Իմ քայլը» խմբակցության պատգամավոր Բաբկեն Թունյանի ներկայացրած օրենքի նախագիծը, որով նախատեսվում է հակաճգնաժամային նոր գործիք ներդրումների խթանման համար։
ՀՀ հարկային օրենսգրքում լրացում կատարելու մասին օրենքի նախագիծը ստացավ 111 կողմ ձայն:
Ըստ Բաբկեն Թունյանի՝ այսպիսով թույլ է տրվում, որ տնտեսվարողը սեփական հայեցողությամբ որոշի ներմուծվող կամ ձեռք բերվող (կառուցվող, մշակվող) հիմնական միջոցների ամորտիզացիոն ժամկետը կամ, այլ կերպ ասած, առաջարկվում է արագացված ամորտիզացիայի գործիք:
Նախագիծը նախատեսված էր ընդունել 24-ժամյա ռեժիմով, սակայն քվեարկությունից առաջ պատգամավորը 24-ժամյա ռեժիմի առաջարկը հետ վերցրեց, որպեսզի հնչած առաջարկները քննարկեն ու նախագիծը լրամշակեն:
