Վանաձորում երեկ տեղի ունեցած դեպքերն անընդունելի են ու իրավիճակը կարող է վերահսկողությունից դուրս գալ։ Այս մասին այսօր ԱԺ արտահերթ նիստում հայտարարեց «Իմ քայլը» խմբակցության պատգամավոր Հովհաննես Իգիթյանը՝ անդրադառնալով Վանաձորի «Գլորիա» կարի արտադրամասում տեղի ունեցած միջադեպին։
«Այնտեղ մարդիկ կան, որ պետք է ստանան նպաստներ։ Դա Կառավարության հարցն է, մենք պետք է հետևենք։ Իհարկե, գործարանը պիտի աշխատի, եթե կարող է աշխատել, բայց այն, ինչ կատարվում է, անընդունելի է։ Խոսքն այն մասին չէ, որ մարդիկ հավաքվել ըմբոստանում են, այլ այն, որ ինչ-որ կատարվեց՝ երկու շաբաթ անց, վարակի լուրջ թվեր կարող ենք ունենալ Վանաձորում, և վերահսկողությունից իրավիճակը կարող է դուրս գալ: Դրանից հետո այստեղ խոսել գործարանների շահագործման, հարկերի, վարկերի մասին անիմաստ կլինի», – ասաց Իգիթյանը։
Մանրամասները՝ տեսանյութում։
