21.05.2026 | 23:30
Հայաստանի մի շարք հասցեներում էլեկտրաէներգիայի անջատումներ կլինեն
«Կարանտինից հետո եղել է բռնության մասին 180 ահազանգ, սպանության դեպք չի գրանցվել»․ Նելլի Դուրյան. ՏԵՍԱՆՅՈՒԹ
Հասարակություն
22.04.2020 | 13:11
Արտակարգ դրության պայմաններում՝ մարտի 16-ից, Ոստիկանությունում ունեցել ենք 180 ահազանգ։ Դրանք հիմնականում վերաբերել են ընտանեկան բռնությանը։ Այս մասին այսօր «Ընտանեկան բռնության դեպքերի աճն արտակարգ դրության ժամանակ» թեմայով տեսաքննարկման ընթացքում նշեց ՀՀ Ոստիկանության անչափահասների իրավունքների պաշտպանության և ընտանեկան բռնության դեմ պայքարի վարչության պետ Նելլի Դուրյանը։
Նրա խոսքով՝ նախորդ տարվա նույն ժամանակահատվածի համեմատությամբ՝ ահազանգերը 10-ով ավելացել են։ «Կարանտինի պայմաններում սպանության դեպք չենք ունեցել։ Օրվա կտրվածքով 4-6 ահազանգ ենք ունենում։ Ստացված 180 ահազանգից 79-ը եղել է բռնություն ամուսնու կողմից, 26-ը՝ նախկին ամուսնու կողմից, 8-ը՝ անչափահասի նկատմամբ, 8-ը՝ հոր կողմից, 3-ը՝ մոր, իսկ 3-ը՝ պապիկի»,- մանրամասնեց Նելլի Դուրյանը։
Մանրամասները՝ տեսանյութում։
Նելլի Մելքոնյան
