10.08.2026 | 14:37
ՌԴ-ում ձերբակալում են ռուս զինվորականների գերեզմանները լուսանկարողներին
Արցախի մի շարք հսկիչ-անցագրային կետերում ախտահանվել է 767 տրանսպորտային միջոց
21.04.2020 | 15:36
Հայաստանի Հանրապետությունից Արցախի Հանրապետություն մուտք գործած ընդհանուր թվով 767 տրանսպորտային միջոց հսկիչ-անցագրային կետերում ենթարկվել է պարտադիր ախտահանման. այս մասին տեղեկացնում են Արցախի արտակարգ իրավիճակների պետական ծառայությունից։
«ԱՀ արտակարգ իրավիճակների պետական ծառայության ստորաբաժանումների կողմից վերջին 3 օրում հսկիչ-անցագրային կետերում պարտադիր ախտահանման է ենթարկվել Հայաստանի Հանրապետությունից Արցախի Հանրապետություն մուտք գործած ընդհանուր թվով 767 տրանսպորտային միջոց (մարդատար և բեռնատար): Ապրիլի 18-ի ժամը 09:00-ից մինչև ապրիլի 19-ի ժամը 09:00-ի դրությամբ ախտահանվել է ընդհանուր թվով 254 տրանսպորտային միջոց, որից՝ «Աղավնո» հսկիչ-անցագրային կետում՝ 71, «Խնձորեսկ» հսկիչ-անցագրային կետում՝ 51, իսկ «Խարխափուտ» հսկիչ-անցագրային կետում՝ 132 տրանսպորտային միջոց: Ապրիլի 19-ի ժամը 09:00-ից մինչև ապրիլի 20-ի ժամը 09:00-ի դրությամբ ախտահանվել է ընդհանուր թվով 254 տրանսպորտային միջոց, որից՝ «Աղավնո» հսկիչ-անցագրային կետում՝ 48 տրանսպորտային միջոց, «Խնձորեսկ»-ում՝ 75, «Խարխափուտ»-ում՝ 131։ Ապրիլի 20-ի ժամը 09:00-ից մինչև ապրիլի 21-ի ժամը 09:00-ի դրությամբ, ախտահանվել է ընդհանուր թվով 259 տրանսպորտային միջոց, որից՝ «Աղավնո»-ում՝ 62, «Խնձորեսկ» հսկիչ-անցագրային կետում՝ 53, իսկ «Խարխափուտ» հսկիչ-անցագրային կետում՝ 144»,- հայտնում են ԱՀ արտակարգ իրավիճակների պետական ծառայությունից։
