Ավարտվել է Աննը Ֆրանկին նվիրված ազգային գրադարանային շաբաթը

Այս տարի արտակարգ դրության պայմաններում, Հայկական գրադարանային ասոցիացիան (ՀԳԱ)և Քաղաքացիական հասարակության ինստիտուտը Ազգային գրադարանային շաբաթվա շրջանակներում ապրիլի 13-20-ը կազմակերպեցին առցանց միջոցառումներ՝ նվիրված 20-րդ դարի ամենաազդեցիկ գրքերից մեկի հեղինակին՝ Աննը Ֆրանկին. այս մասին հայտնեցին Խնկո Ապոր անվան ազգային մանկական գրադարանից։

«Հայկական գրադարանային ասոցիացիայի նախաձեռնությամբ ամեն տարի ապրիլ ամսին ավանդաբար անցկացվող Ազգային գրադարանային շաբաթին մասնակցում են հանրապետության բոլոր գրադարանները` իրենց բազմաբնույթ միջոցառումներով:

Շաբաթի շրջանակներում իրականացվեցին մի շարք միջոցառումներ, այդ թվում՝ Աննը Ֆրանկի ցուցահանդեսի առցանց  դիտում, նրա մասին ֆիլմի և մուլտ-անիմացիայի դիտում։ Տեղի ունեցավ առցանց հանդիպում «Հետնատունը» գրքի թարգմանիչ Աննա Մարիա Մատտաարի հետուղիղ եթերի միջոցով։ Առցանց քննարկումներ կազմակերպվեցին «Կոնֆլիկտների խորացում» և պատանիների ձայնը լսելի դարձնելու թեմաներով։ Շաբաթի ընթացքում տեղի ունեցան նաև «Աննը Ֆրանկն ու նրա Հետնատունը» գրքի առցանց քննարկումն և ևս մեկ հանդիպում-քննարկում ցեղասպանագետ Սուրեն Մանուկյանի հետ՝նվիրված Հոլոքոստի զոհերի հիշատակի օրվան։

Անցկացված այս բոլոր միջոցառումներին ակտիվորեն մասնակցեցին հանրապետության գրադարանների ընթերցողներ և հետևորդներ: Կարող ենք արձանագրել, որ 2020թ. Ազգային գրադարանայինշաբաթնիրառցանցձևաչափովանցավհետաքրքիր, նոր ձևերով հագեցած ծրագրով` ուշադրության կենտրոնում պահելով գիրքն ու ընթերցանությունը:

Ծրագիրն իրականացվեց Հայաստանում և Վրաստանում Նիդերլանդների դեսպանության ֆինանսական աջակցությամբ»,- ասված է հաղորդագրության մեջ։