12.06.2026 | 01:05
ԱԱ-2026․ Երեք կարմիր քարտ ու տանտերերի հաղթանակ՝ բացման խաղում․ ՏԵՍԱՆՅՈՒԹ
Երգի համաշխարհային առցանց համերգ` աշխարհի աստղերի մասնակցությամբ
Մշակույթ
19.04.2020 | 16:16
Երաժշտության ու երգի համաշխարհային աստղերը շուտով հանդես կգան առցանց համերգով` աջակցելու համար աշխարհի բուժաշխատողներին կորոնավիրուսի դեմ պայքարում. գրում է amerikayidzayn.com-ը:
«Մեկ աշխարհ. Տանը` միասին» վերտառությամբ շոուին կմասնակցեն ավելի քան 100 երաժիշտներ, որոնք բոլորը հանդես կգան իրենց տներից: Նրանց շարքում են Ռոլինգ Ստոունզը, Բիլի Այլիշը, Լեդի Գագան: Վերջինս այս յուրօրինակ համերգի կազմակերպիչներից է:
Ութժամանոց միջոցառումը ղեկավարում են Global Citizen (Աշխարհի քաղաքացիներ) շարժումը եւ Առողջապահության համաշխարհային կազմակերպությունը:
Global Citizen-ի հայտարարության մեջ ասված է ‘’Մենք միգուցե իրարից հեռու ենք հիմա, սակայն մերձենալը երբեք այսքան կարեւոր չի եղել’’:
Միջոցառման ժամանակ նաեւ ընթերցվելու են կորոնավիրուսի դեմ պայքարում բժիշկների ու մյուս բուժաշխատողների մասին իրական պատմություններ:
Հասույթն ամբողջությամբ տրամադրվելու է ԱՀԿ-ին:
Համերգը վարելու են ԱՄՆ-ի հայտնի հեռուստահաղորդավարները: Մասնակիցների շարքում են Թեյլոր Սվիֆթը, Ջենիֆեր Լոպեզը, Քրիս Մարթինը, Ֆարել Ուիլիամսը, Ռիտա Օրան, Սեմ Սմիթը, Էլթոն Ջոնը եւ Փոլ Մաքքարթնին:
շ
Այն ամբողջությամբ ուղիղ հեռարձակվեու է Amazon Prime Video, Facebook, Instagram, TuneIn, Twitch, Twitter եւ YouTube-ի ալիքներով: Համերգին հետեւելու են նաեւ Apple Music, Apple TV եւ Apple Beats 1-ը:
