10.08.2026 | 13:40
Կանանց NBA-ում 3 միավորանոց նետումների ռեկորդ է գրանցվել. ՏԵՍԱՆՅՈՒԹ
Հին կադրեր կան՝ կարողացել են փոխվել, նոր կադրեր կան՝ իրենց երազածը հների տեղում լինելն էր․ Փաշինյանը՝ սաբոտաժի մասին. ՏԵՍԱՆՅՈՒԹ
Հասարակություն
15.04.2020 | 17:45
ԱԺ պատգամավորները և Կառավարությունը պարբերաբար քննադատության են արժանանում, քանի որ պետական կառավարման համակարգում դեռ կան աշխատող հին կադրեր: Այսօր Ազգային ժողովում Կառավարության հետ հարցուպատասխանի ժամանակ «Իմ քայլը» խմբակցության ղեկավար Լիլիթ Մակունցը հարց ուղղեց վարչապետ Նիկոլ Փաշինյանին. կա՞, արդյոք, այս հարցի լուծման ճանապարհ և ինչպե՞ս է վարչապետը վերաբերվում քննադատություններին:
Նիկոլ Փաշինյանը նշեց, որ կադրային ջարդի տարբերակին չգնալը հեղափոխության ընթացքում իր տված խոստումներից մեկն է եղել։
«Հին կադրերին նոր կադերով փոխելը վատ մոտեցում է, որովհետև, ցավոք սրտի, պետք է խոստովանեմ, որ մի քանի նոր կադրեր մի քանի օրվա ընթացքում ապացուցել են, որ իրենք կարող են մտնել «կաբինետ» և սկսել իրենց դնել իրենց նախորդի տեղը»,- նշեց Փաշինյանը:
Վարչապետը նշեց, որ նման դեպքերում ստիպված է եղել իր իսկ նշանակած մարդկանց շատ արագ հեռացնել աշխատանքից, այդ թվում՝ ամենամերձավոր թիմի ներկայացուցիչների:
«Սա անուն-ազգանունով հարց չէ, գաղափարական հարց է, որովհետև մենք հին կադրեր ունենք, որոնք այս ընթացքում ցույց են տվել, որ կարող են փոխվել, և մենք ունենք նոր կադրեր, որոնք ցույց են տվել, որ իրենց երազանքը հների տեղում հայտնվելն է և նույն գործողություններ անելը»,- շեշտեց նա:
Մանրամասները՝ տեսանյութում:
