28.03.2026 | 18:00
Եղիշե Մելիքյանը և Նաիր Թիկնիզյանը՝ Բելառուսի հավաքականի դեմ խաղի մասին․ ՏԵՍԱՆՅՈՒԹ
Նավթի ցածր գների պատճառով Ադրբեջանի կորուստը կարող է կազմել 1 մլրդ դոլար
Տնտեսություն
15.04.2020 | 17:27
Համաշխարհային շուկայում նավթի գների անկման հետևանքով Ադրբեջանի կորուստը կարող է կազմել մինչև 1մլրդ դոլար։ Այս մասին ասել է Ադրբեջանի նախագահ Իլհամ Ալիևը, հաղորդում են տեղական լրատվամիջոցները։
«Եթե նավթի գինը չբարձրանա անհրաժեշտ մակարդակի, մենք կունենանք լրացուցիչ կորուստներ, որոնք կարող են կազմել մոտ 700 մլն դոլար կամ հասնել 1 մլրդ դոլարի»,- ասել է Ալիևը 2020 թվականի առաջին եռամսյակի սոցիալ-տնտեսական զարգացման արդյունքներին նվիրված խորհրդակցության ժամանակ։
Բացի այդ՝ Ալիևը նշել է, որ եթե նավթի գները չվերականգնվեն, Ադրբեջանին սպասում են լրացուցիչ կորուստներ և արտարժույթի պահուստների նվազում։
«Առաջին եռամսյակում, 2020 թվականի հունվարի 1-ի համեմատ, արժութային պահուստներն արդեն կրճատվել են։ Դա բնական է, և այս իրավիճակում ուզում եմ նշել, որ մենք պետք է մեծ ուշադրություն դարձնենք ծախսերին։ Պետական ներդրումները պիտի երկու հիմնական նպատակի ծառայեն՝ ապահովեն զբաղվածություն և ազդեցություն ունենան տնտեսական իրական ծրագրերի վրա»,- ասել է Ալիևը։
Նշենք, որ Ադրբեջանի 2020 թվականի բյուջեում 1 բարել նավթի գինը հաշվարկված է 55 դոլար։
Էմմա Չոբանյան
