11.06.2026 | 21:18
Թուրքիան Ֆրանսիայի և Կիպրոսի միջև զորքերի տեղակայման գործարքն անօրինական է անվանել
90 տոկոսով գիտենք՝ ինչ է պետք անել, որ վարակը արտադրական տարածք չմտնի․ Փաշինյան. ՏԵՍԱՆՅՈՒԹ
15.04.2020 | 17:06
Ի՞նչ ենք անելու այն դեպքում, եթե տեքստիլ արտադրության վերականգնումից հետո կրկին հիմնարկներից մեկում վարակ լինի։ Նման հարց ուղղեց «Լուսավոր Հայաստան» խմբակցության ղեկավար Էդմոն Մարուքյանը վարչապետ Նիկոլ Փաշինյանին Ազգային ժողովում Կառավարության հետ հարցուպատասխանի ժամանակ։
«Մենք այս խնդիրը կարող է մինչև աշուն ունենանք, հազարավոր մարդկանց մասին է խոսքը, ինչ-որ լուծում պետք է լինի»,- նշեց պատգամավորը։
Ի պատասխան՝ Փաշինյանն ասաց, որ այսօրվա դրությամբ՝ ունենք արտադրական ձեռնարկություններ, որոնք, կարգավորումների բերումով, ողջ ընթացքում աշխատել են, աշխատակիցների շրջանում գրանցվել է կորոնավիրուսի դեպք, բայց դեպքը մուտք չի գործել արտադրական տարածք, և ունենք հակառակը։
Ըստ վարչապետի՝ այսօր Կառավարությունը 90 տոկոսով գիտի՝ ինչ է պետք անել, որ վարակը արտադրական տարածք չմտնի, և պատրաստվում են այդ փորձով կիսվել մյուս ընկերությունների հետ։
Մանրամասները՝ տեսանյութում:
