Հասարակություն
15.04.2020 | 16:46Ո՞վ է պատասխան տալու քաղավիացիայի ոլորտում տեղի ունեցած բացթողումների համար և արդյո՞ք գնահատվել է այն վնասը, որը հասցվել է ոլորտին։ Այսօր Ազգային ժողովում Կառավարության հետ հարցուպատասխանի ժամանակ «Լուսավոր Հայաստան» խմբակցության պատգամավոր Կարեն Սիմոնյանը հարց ուղղեց վարչապետ Նիկոլ Փաշինյանին։
«2019 թվականի աշնանը եվրոպական կազմակերպությունը ստուգել է Հայաստանի ավիացիոն կազմակերպություններից մեկը և դրա մասին զգուշացնող տեղեկանք է ուղարկել Քաղավիացիայի կոմիտե։ Կոմիտեի պաշտոնյան, որը պարտավոր էր անմիջապես զեկուցել ավիացիայի կոմիտեի ղեկավարին, չի զեկուցել, և Ավիացիայի կոմիտեի ղեկավարն այդ տեղեկանք մասին իմացել է 2 ամիս անց՝ Եվրոպայում տեղի ունեցած մի քննարկման ժամանակ, և իրեն դրա մասին տեղյակ են պահել իր եվրոպացի կոլեգաները։ Երբ պարզաբանում է պահանջվել, թե ինչու չի զեկուցվել, արդյունքում այդ աշխատողն ազատվել է աշխատանքից, և գործնականում մի քանի օր հետո աշխատանքի է անցել այն ընկերությունում, որում հայտնաբերվել էին այդ խախտումները»,- նշեց Փաշինյանը։
Մանրամասները՝ տեսանյութում:
