25.11.2024 | 22:01
Ստեփանծմինդա-Լարս ավտոճանապարհը փակ է բեռնատարների համար
«Մեր վարկունակության կորուստն ավելի ցածր է լինելու, քան տարածաշրջանինը․ Էկոնոմիկայի փոխնախարար. ՏԵՍԱՆՅՈՒԹ
Տնտեսություն
15.04.2020 | 15:33
Եթե նայենք միջազգային վարկանիշային կազմակերպությունների գնահատականը Հայաստանին, ապա մեկ կազմակերպություն որոշակիորեն իջեցրել է ՀՀ ռեյտինգը, սակայն այդ կազմակերպությունն ամբողջ տարածաշրջանային ռեյտինգն է իջեցրել։ Այնպես որ, Հայաստանն ավելի վատ վիճակում չի գտնվում, քան մեր հիմնական գործընկերները և մեզ համադրելի երկրները։ Մյուս կազմակերպությունը, ընդհակառակը, վարկանիշ չի փոխել։ Այս մասին այսօր հրավիրված ասուլիսին նշեց Էկոնոմիկայի փոխնախարար Ավագ Ավանեսյանը։
«Երկու դեպքում էլ կառավարության գործողությունները համարվել են իրավիճակին համահունչ՝ ինչպես արագության, այնպես էլ նպատակների տեսանկյունից։ Այո՛, հնարավոր է վարկունակության որոշակի կորուստ ունենանք, բայց ամբողջ աշխարհն է այդ խնդրին բախվում՝ բացառությամբ մեկ-երկու երկրի։ Հաշվի առնելով կառավարության գործողությունները և մեր տնտեսական կառուցածքը, ամենայն հավանականությամբ, մեր վարկունակության կորուստն ավելի ցածր է լինելու, քան տարածաշրջանինը»,- նշեց Էկոնոմիկայի փոխնախարարը։
Մանրամասները՝ տեսանյութում։
Նելլի Մելքոնյան
