08.04.2026 | 23:33
Հայաստանը տարածաշրջանում առաջատարն է The Economist-ի Ժողովրդավարության ինդեքսի համաձայն
Ուսանողների դասադուլը և պաշտպանության նախարարի ծառատունկը
Հասարակություն
08.11.2017 | 14:06
Մինչ Երևանում ուսանողները դասադուլ են անում՝ պահանջելով չփոփոխել զինծառայությունից տարկետման գործող կարգը և այս հարցի քննարկման նպատակով ցանկանում են հանդիպել Պաշտպանության նախարարի հետ, այսօր առավոտյան ՊՆ նախարար Վիգեն Սարգսյանը մեկնել է Տավուշի մարզ, որտեղ սահմանամերձ Ներքին Կարմիրաղբյուր գյուղում մասնակցել է գյուղի դպրոցի հարևանությամբ կառուցված պաշտպանիչ պատի երկայնքով իրականացված ծառատունկին: Միջոցառման ընթացքում Ներքին Կարմիրաղբյուրի դպրոցի ուսուցիչներից նախարարին հարց են ուղղել Երևանում ընթացող դասադուլի մասին, ինչին ի պատասխան Վիգեն Սարգսյանն ասել է .«Իսկ ո՞վ է ասում, որ գիտությամբ զբաղվողը զենք բռնել չպետք է կարողանա»:
Նշենք, որ ուսանողները, ովքեր այս պահին հանդիպում են ԿԳ նախարար Լևոն Մկրտչյանի հետ, պահանջում են հանդիպում նաև ՊՆ նախարար Վիգեն Սարգսյանի հետ՝ լրատվամիջոցների ներկայությամբ և հանդիպման առցանց հեռարձակման պայմանով: Այս պայմանը, սակայն, երեկ Պնախարարությունում, ըստ ուսանողների, չեն ապահովել, ուստի դասադուլավորները հրաժարվել են ՊՆ նախարարության հանդիպման առաջարկից:
