02.07.2026 | 02:50
ԱԱ-2026. Բելգիան կամային հաղթանակ տարավ 0:2-ից հետո. ՏԵՍԱՆՅՈՒԹ
Էդուարդ Շարմազանով, Արփինե Հովհաննիսյան, Միքայել Մելքումյան․ հայտնի են ԱԺ փոխնախագահների անունները
19.05.2017 | 12:38
Քիչ առաջ ԱԺ հաշվիչ հանձնաժողովի նախագահ Գագիկ Մելիքյանը ներկայացրեց ԱԺ փոխնախագահների փակ-գաղտնի քվեարկության արդյունքները։ Ազգային ժողովն ընտրեց 3 փոխնախագահների։
ԱԺ 105 պատգամավորներից քվեարկությանը մասնակցել է 100-ը: Էդուարդ Շարմազանովը ստացել է 84 կողմ, 13 դեմ ձայն, ևս 3 անվավեր քվեաթերթիկ ճանաչվել է անվավեր: Արփինե Հովհաննիսյանի օգտին կողմ է քվեարկել 73 պատգամավոր, դեմ՝ 22։ «Ծառուկյան» դաշինքից առաջադրված Միքայել Մելքումյանի թեկնածությանը կողմ է քվեարկել 65, դեմ՝ 29 պատգամավոր, 6 քվեաթերթիկ անվավեր են ճանաչվել:
Տեղեկացնենք, որ ԱԺ նորընտիր նախագահ Արա Բաբլոյանը շնորհավորեց իր տեղակալներին, ապա, շնորհակալություն հայտնելով նախորդ գումարման խորհրդարանի նախագահ Գալուստ Սահակյանին հուշանվեր հանձնեց։ «Որ Գալուստ Սահակյանն ամեն անգամ հիշի, որ եղել է ԱԺ-ի արժանի նախագահ»,- ասաց նա:
