11.01.2025 | 13:49
ԱԺ պատգամավորները կգործուղվեն Ստրասբուրգ՝ մասնակցելու ԵԽԽՎ նստաշրջանին աշխատանքներին
Արցախի հսկիչ-անցագրային կետերում ախտահանվել է 723 տրանսպորտային միջոց
11.04.2020 | 14:18
Հայաստանի Հանրապետությունից Արցախի Հանրապետություն մուտք գործած 723 տրանսպորտային միջոց հսկիչ-անցագրային կետերում ենթարկվել է պարտադիր ախտահանման։
Այս մասին տեղեկացնում են Արցախի արտակարգ իրավիճակների պետական ծառայությունից։ «ԱՀ արտակարգ իրավիճակների պետական ծառայության ստորաբաժանումների կողմից ապրիլի 4-ին, 5-ին և 6-ին հսկիչ-անցագրային կետերում պարտադիր ախտահանման են ենթարկվել Հայաստանի Հանրապետությունից Արցախի Հանրապետություն մուտք գործած ընդհանուր թվով 723 տրանսպորտային միջոց (մարդատար և բեռնատար): Ապրիլի 8-ից, ժամը 09:00-ից մինչև ապրիլի 9-ը՝ ժամը 09:00-ի դրությամբ, ախտահանվել է ընդհանուր թվով 211 տրանսպորտային միջոց, որից՝ «Աղավնո» հսկիչ-անցագրային կետում՝ 101, «Խնձորեսկ» հսկիչ-անցագրային կետում՝ 39, իսկ «Խարխափուտ» հսկիչ-անցագրային կետում՝ 71 տրանսպորտային միջոց: Ապրիլի 9-ից, ժամը 09:00-ից մինչև ապրիլի 10-ը՝ ժամը 09:00-ի դրությամբ, ախտահանվել է ընդհանուր թվով 273 տրանսպորտային միջոց, որից՝ «Աղավնո» հսկիչ-անցագրային կետում՝ 86 տրանսպորտային միջոց, «Խնձորեսկ»-ում՝ 74, «Խարխափուտ»-ում՝ 113։ Ապրիլի 10-ից, ժամը 09:00-ից մինչև ապրիլի 11-ը՝ ժամը 09:00-ի դրությամբ, ախտահանվել է ընդհանուր թվով 239 տրանսպորտային միջոց, որից՝ «Աղավնո»-ում՝ 58 տրանսպորտային միջոց, «Խնձորեսկ» հսկիչ-անցագրային կետում՝ 58 տրանսպորտային միջոց, իսկ «Խարխափուտ» հսկիչ-անցագրային կետում՝ 123 տրանսպորտային միջոց»,- հայտնում են ԱՀ արտակարգ իրավիճակների պետական ծառայությունից։
