28.03.2026 | 19:57
Սպասվում են տեղումներ. լեռնային գոտիներում՝ թաց ձյան, նախալեռնային և հովտային գոտիներում՝ անձրևի տեսքով
Ապրիլի 24-ին, մայիսյան տոներին քաղաքացիների մասնակցությունը պետք է սահմանափակվի. Փաշինյան. ՏԵՍԱՆՅՈՒԹ
11.04.2020 | 14:12
Առաջիկայում ունենք մեզ համար սրբազան տոներ և հիշատակի օրեր. առաջիկայում ապրիլի 24-ն է, նաև մայիսի առաջին տասնօրյակում ունենք երկու տոն՝ Շուշիի ազատագրման օրը և Հայրենական մեծ պատերազմում տարած հաղթանակի օրը: Այս մասին Facebook-ի իր ուղիղ եթերում հայտարարեց ՀՀ վարչապետ Նիկոլ Փաշինյանը՝ հավելելով, որ իրենց եզրակացությունն այն է, որ այդ միջոցառումները պետք է սահմանափակվեն:
«Քաղաքացիների մասնակցությունը որևէ միջոցառման պետք է սահմանափակվի, որովհետև եթե թույլ տանք այդ միջոցառումները սովորական ընթացակարգով, մենք կունենանք համաճարակի անվերահսկելի բռնկում: Ապրիլի 24-ին տեղի կունենան միայն արարողակարգային միջոցառումներ, այսինքն՝ այն պաշտոնյաները, որոնք ունեն արարողակարգային անելիք, իրականացնեն դա: Նույնը վերաբերում է նաև մայիսի 8-ին և 9-ին: Բնականաբար, մայիսի 1-ին էլ զանգվածային միջոցառումներ չեն լինի»,- ասաց Փաշինյանը՝ կոչ անելով ըմբռնումով մոտենալ այս որոշումներին:
Մանրամասները՝ տեսանյութում:
Նարեկ Կիրակոսյան
