20.01.2026 | 11:26
ԱԺ-ն առաջին ընթերցմամբ ընդունեց 27-37 տարեկան չծառայածներին քրեական պատասխանատվությունից ազատելու նախագիծը
Ֆրանսիայում մահացել է հայտնի աստղագետ Հակոբ Թերզյանը
Հասարակություն
08.04.2020 | 22:48
Ֆրանսիայում 92 տարեկանում վախճանվել է հայտնի հայ ֆիզիկոս Հակոբ Թերզյանը: Այս մասին գրում է Լիբանանի հայկական «Ազդակ» պարբերականը:
Հակոբ Զարեհի Թերզանը ծնվել է 1927թ. հոկտեմբերի 31-ին Կոնստանդնուպոլսում: Ավարտել է Պոլսի համալսարանը, որպես մաթեմատիկայի ուսուցիչ աշխատել Ստամբուլի Կենտրոնական վարժարանում: 1956 թվականին նա տեղափոխվել է Ֆրանսիա: 1967-1998-ին աշխատել է Լիոնի աստղադիտարանում, 1982-1983-ին եղել է այդ աստղադիտարանի տնօրենի տեղակալը: 1965-ին Լիոնի համալսարանի կողմից արժանացել է մաթեմատիկական գիտությունների դոկտորի, 1980-ին` պրոֆեսորի կոչման:
Հակոբ Թերզյանի աշխատանքները հիմնականում վերաբերում են փոփոխական աստղերին, աստղակույտերին և աստղերի ֆիզիկայի հարցերին: 1963 թվականից նա դիտարկումներ է կատարել աշխարհի մի շարք կարևորագույն դիտակներով. հայտնաբերել է 710 փոփոխական աստղ՝ հայտնի 14 գնդաձև աստղակույտերի հարևանությամբ, 11 նոր գնդաձև աստղակույտ, որոնք կոչվել են նրա անունով՝ Terzan (1-11), 158 դիֆուզ միգամածություն, 124 գալակտիկա, 4430 կարմիր փոփոխական աստղ Գալակտիկայի կենտրոնի ուղղությամբ, մեծ սեփական շարժում ունեցող 1428 աստղ, 26 մոլորակաձև միգամածություն, 122 դիֆուզ գալակտիկա Մեր Գալակտիկայի կենտրոնի ուղղությամբ:
Հետագայում պարզվել է, որ Terzan 5 աստղակույտը մեր Գալակտիկայի կենտրոնի հիմնական գոյացություններից է, որի հիման վրա ստեղծվել է Գալակտիկան:
Հայտնի աստղագետը բազմաթիվ կոչումների և պարգևների է արժանացել:
