20.01.2026 | 11:26
ԱԺ-ն առաջին ընթերցմամբ ընդունեց 27-37 տարեկան չծառայածներին քրեական պատասխանատվությունից ազատելու նախագիծը
Դոնալդ Թրամփը մտածում է ԱՀԿ ֆինանսավորումը դադարեցնելու մասին, ԱՀԿ-ում ԱՄՆ նախագահի հետ համաձայն չեն. reuters
Քաղաքականություն
08.04.2020 | 21:16
ԱՄՆ նախագահ Դոլանդ Թրամփն իր ճեպազրույցի ընթացքում անդրադարձել է Առողջապահության համաշխարհային կազմակերպության գործունեությանը և նշել, որ ԱՄՆ-ն այսուհետ վերանայելու է կազմակերպությանը տրվող ֆինանսավորումը։
«Մենք Առողջապահության համաշխարհային կազմակերպության ամենամեծ ֆինանսավորողն ենք, բայց ԱՀԿ-ն քննադատել է կորոնավիրուսային պանդեմիայի ընթացքում ԱՄՆ ձեռնարկած քայլերը, օրինակ՝ իմ կողմից սահմանված ճամփորդական սահմանափակումները։ Նրանք շատ բաներում սխալ են, ու բավականին «չինաստանամետ» են երևում։ Մենք պետք է ուշադիր լինենք, թե ինչի համար ենք վճարում»,- ասել է Թրամփը։
Ըստ նրա՝ ԱՀԿ-ն պանդեմիայի օրերին Չինաստանի նկատմամբ կողմնակալ վերաբերմունք է դրսևորում։ Ճեպազրույցին ներկա լրագրողների հարցերին պատասխանելիս, Թրամփը նշել է, որ դեռ հստակ որոշում չկա․ այժմ պարզապես քննարկումներ են գնում։
Reuters-ի փոխանցմամբ՝ Առողջապահության համշխարհային կազմակերպության՝ եվրոպական տարածաշրջանի պատասխանատուն, մեկնաբանելով ԱՄՆ նախագահի հայտարարությունը, ասել է․ «Մենք հիմա գտնվում ենք պանդեմիայի ակտիվ փուլում, այնպես որ ժամանակը չէ ֆինանսավորումը կրճատելու մասին խոսելու համար»։
Reuters-ի տեղեկացմամբ՝ ԱՀԿ պաշտոնյաները հերքել են Թրամփի այն դիտարկումը, թե կազմակերպությունը «չինաստանամետ» քաղաքականություն է վարում։ ԱՀԿ պաշտոնյաներից մեկը նշել է, թե կազմակերպությունը Չինաստանի հետ վարվել է այնպես, ինչպես պանդեմիայից մեծապես տուժած այլ երկրների հետ։
Նելլի Մելքոնյան
