07.12.2025 | 21:40
Վարդենյաց լեռնանցքում ձյուն է տեղում. Դիլիջանի, Սպիտակի ոլորաններում մառախուղ է
Թրամփը մեկ տարով երկարաձգել է Իրանի դեմ ամերիկյան պատժամիջոցների գործողության ժամկետը
Քաղաքականություն
07.11.2017 | 11:07
ԱՄՆ նախագահ Դոնալդ Թրամփը որոշում է կայացրել ևս մեկ տարով երկարացնել Իրանի հանդեպ ամերիկյան միակողմանի պատժամիջոցների գործողության ժամկետը, որն ընդունվել է 1979 թվականին. այս մասին ասվում է Սպիտակ տան տարածած մամուլի հաղորդագրության մեջ. փոխանցում է ria.ru-ն:
Որոշման հիմնավորման մեջ նշվում է, որ ԱՄՆ-ի ու Իրանի հարաբերությունները չեն կարգավորվել, ուստի ԱՄՆ առաջնորդը որոշում է կայացրել՝ արտակարգ դրության ռեժիմը, որը հայտարարվել էր Իրանի հանդեպ №12170 գործադիր հրամանով, երկարացնել մեկ տարով։
Հակաիրանական պատժամիջոցների մասին №12170 հրամանը ստորագրվել է 1979 թվականի նոյեմբերին այն ժամանակվա նախագահ Ջիմի Քարթերի կողմից, երբ իրենց Խոմեյնիի աշակերտ անվանող իրանցի իսլամիստ ուսանողները, ԱՄՆ դիվանագիտական առաքելությունը «Իրանի դեմ դավադրություն և լրտեսություն» անվանելով, գրոհով վերցրել էին Իրանում ԱՄՆ դեսպանատունն ու պատանդառել 60-ից 90 ԱՄՆ քաղաքացու:
