18.05.2024 | 17:55
Կենտրոն վարչական շրջանի և Վանաձորի մի շարք հասցեներում գազանջատումներ կլինեն
Կոռուպցիոն վտանգ միշտ կա. նախարարը՝ զինվորական ծառայության օրենսդրական փոփոխությունների մասին
Քաղաքականություն
06.11.2017 | 17:31
Հայաստանի բոլոր քաղաքացիները պետք է իրենց պարտքը հայրենիքի հանդեպ կատարեն: Այս մասին այսօր լրագրողների հետ զրույցում ասաց ՀՀ ԿԳ նախարար Լևոն Մկրտչյանը՝ անդրադառնալով «Զինվորական ծառայության և զինծառայողի կարգավիճակի մասին» օրենքի նոր նախագծին:
«Ինչպես նաև մենք մի մտածողություն ունենք, որ երեխան պետք է ավարտի, կրթության հարցը արագ փակի ու անցնի կյանք: Իրականում աշխարհում լավագույն համալսարաններում տեղի է ունենում հետևյալը՝ 12-ամյա կրթությունն է պարտադիր, դրանից հետո մարդն ստանում է իր որակավորումը, դուրս է գալիս կյանք, աշխատում է, որոշում է, որ մի հատ ուրիշ ավելի լավ որակավորման կարիք ունի, հետ է գալիս»,- ասաց նախարարը:
Հարցին՝ օրենքը կազդի՞, որ ի վերջո բոլոր պաշտոնյաների որդիները ևս ծառայեն, նախարարը պատասխանեց. « Թող ծառայեն, պաշտոնյաների որդիները թող ծառայեն: Ձեր խնդիրն է, ուշադիր հետևեք, թող ծառայեն»:
ԿԳ նախարարը նաև վստահեցրեց՝ ինքը գիտի պաշտոնյաների, որոնց որդիները ծառայում են առաջնագծում, սակայն անունները չտվեց: Լևոն Մկրտչյանը համոզված է՝ «Զինվորական ծառայության և զինծառայողի կարգավիճակի մասին» օրինագիծը կնպաստի ոլորտում կոռուպցիոն ռիսկերի նվազեցմանը:
«Դրա համար էլ «Զինապարտության մասին» օրենքը բերվեց: Եթե դուք ուշադրություն դարձնեք, այդ օրենքում, բացի այս հատվածից, շատ այլ փոփոխություններ են նախատեսվում, որոնք պետք է այդ սկզբունքն ապահովեն: Փոխվում են բժշկական ստուգումների ձևը, զորակոչի համակարգը: Մենք սկզբունքային խնդիր ունենք՝ մեր երկիրը մարտահրավերի ներքո է: Եվ ապրիլը կարող է միշտ կրկնվել: Մեր յուրաքանչյուր քաղաքացի պետք է պատրաստ լինի կատարել իր պարտքը հայրենիքի հանդեպ»,- շարունակեց նախարարը:
Մանրամասները՝ տեսանյութում:
